തിരുവനന്തപുരം: സംസ്ഥാനത്തിന്റെ വിവിധ ഭാഗങ്ങളില് ഇന്ന് മുതല് നാല് ദിവസം ഒറ്റപ്പെട്ട മഴക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. ഇടിമിന്നല് മുന്നറിയിപ്പുമുണ്ട്. 2022 ഏപ്രില് 03 മുതല് 07 വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ മഴക്ക് സാധ്യതയുണ്ട് എന്നാണ് കേന്ദ്ര കാലാവസ്ഥാ വകുപ്പ് അറിയിച്ചിരിക്കുന്നത്.
ഇടിമിന്നല് മുന്നറിയിപ്പിന്റെ പശ്ചാത്തലത്തില് മുന്കരുതല് കാര്യമായി പാലിക്കണമെന്നും അധികൃതര് ചൂണ്ടിക്കാട്ടുന്നു. ഉച്ചക്ക് 2 മണി മുതല് രാത്രി 10 മണിവരെയുള്ള സമയത്ത് ഇടിമിന്നലിനുള്ള സാധ്യത കൂടുതലാണ്. ഈ സാഹചര്യം അപകട സാധ്യത വര്ധിപ്പിക്കുന്നു.
കാര്മേഘം കണ്ട് തുടങ്ങുന്ന സമയം മുതല് തന്നെ പൊതുജനങ്ങള് മുന്കരുതല് സ്വീകരിക്കേണ്ടതാണ്. ഇടിമിന്നല് ദൃശ്യമല്ല എന്നുകരുതി മുന്കരുതല് സ്വീകരിക്കുന്നതില് നിന്നും വിട്ടുനില്ക്കുന്ന പ്രവണത അരുതെന്നും അധികൃര് ചൂണ്ടിക്കാട്ടുന്നു.
Most Read: ഇമ്രാൻ ഖാനെതിരായ അവിശ്വാസ പ്രമേയം; ഇസ്ലാമാബാദിൽ നിരോധനാജ്ഞ