കോട്ടയം: കെആർ ഗൗരിയമ്മയുടെ വിയോഗത്തോടെ കേരള രാഷ്ട്രീയത്തിലെ കരുത്തിന്റെയും സഹാനുഭൂതിയുടെയും യുഗമാണ് അവസാനിച്ചതെന്ന് കേരളാ കോൺഗ്രസ് എം ചെയർമാൻ ജോസ് കെ മാണി. കെആർ ഗൗരിയമ്മയുടെ ജീവിതം കേരളത്തിന്റെ ചരിത്രത്തിൽ എക്കാലവും അപൂർവ ശോഭയോടെ നിലനിൽക്കും. മാണി സാറുമായി ഗൗരിയമ്മ ഏറെ അടുപ്പം പുലർത്തിയിരുന്നു. എന്നും അശരണർക്കും അടിസ്ഥാന വർഗത്തിനും കർഷക തൊഴിലാളികൾക്കും വേണ്ടി ജീവിച്ച പോരാളിയാണ് ഗൗരിയമ്മ. ജനങ്ങളെ മക്കളെ പോലെ ചേർത്ത് നിർത്തിയ അമ്മയെയാണ് കേരളത്തിന് നഷ്ടമായത്. അവരുടെ ജീവിതം ഒരു പാഠപുസ്തകത്തിന് അപ്പുറം ആഴമുള്ളതാണ്; ജോസ് കെ മാണി പറഞ്ഞു.
Read also: പാചകവാതക വിതരണം നിലച്ചിട്ട് ഒരു മാസം; പ്രതിഷേധിച്ച് നാട്ടുകാർ