തിരുവനന്തപുരം: ഡോളർ കടത്ത് കേസിൽ പ്രതി സ്വപ്ന സുരേഷ് നൽകിയ മൊഴി ഗൗരവകരമാണെന്ന് കെപിസിസി പ്രസിഡണ്ട് കെ സുധാകരൻ. സ്വപ്ന സുരേഷ് നൽകിയ മൊഴിയുടെ അടിസ്ഥാത്തിൽ മുഖ്യമന്ത്രി രാജിവെയ്ക്കണമെന്ന് സുധാകരന് ആവശ്യപ്പെട്ടു. ഡോളര് കടത്ത് കേസില് മുഖ്യമന്ത്രിക്കെതിരായ സ്വപ്നയുടെ മൊഴി പുറത്ത് വന്നതിന് പിന്നാലെയാണ് സുധാകരന്റെ വിമര്ശനം.
ഡോളർ കടത്തിൽ പ്രതിയാക്കുന്ന ആദ്യ മുഖ്യമന്ത്രി പിണറായി വിജയൻ ആകും, മുഖ്യമന്ത്രി സ്ഥാനം രാജിവെക്കാൻ തയ്യാറുണ്ടോ എന്നും കെ സുധാകരൻ വെല്ലുവിളിച്ചു. സ്വപ്ന മുഖ്യമന്ത്രിയെ അനധികൃതമായി സഹായിച്ചു. മുഖ്യമന്ത്രിയുടെ ഓഫിസും ബിജെപിയും തമ്മില് അവിശുദ്ധ കൂട്ടുകെട്ടുണ്ടെന്നും അദ്ദേഹം ആരോപിച്ചു.
മുഖ്യമന്ത്രി വിദേശ കറന്സി കടത്തിയെന്നാണ് സ്വപ്ന സുരേഷിന്റെ മൊഴി. ഡോളര് കടത്ത് കേസില് ആറ് പ്രതികള്ക്ക് കസ്റ്റംസ് അയച്ച ഷോക്കോസ് നോട്ടീസിലാണ് ഇത് സംബന്ധിച്ച മൊഴിയുള്ളത്. 2017ലെ മുഖ്യമന്ത്രിയുടെ യുഎഇയിലേക്കുള്ള ആദ്യ യാത്രക്കിടെ അഹമ്മദ് അൽദൗഖി എന്ന യുഎഇ കോൺസുലേറ്റിലെ നയതന്ത്രജ്ഞൻ വഴി വിദേശ കറന്സി കടത്തിയെന്നാണ് സ്വപ്ന വെളിപ്പെടുത്തിയിരിക്കുന്നത്.
Also Read: ‘അഭിമാന ശ്രീ’; പിആർ ശ്രീജേഷിന് രണ്ടുകോടി രൂപ പാരിതോഷികം പ്രഖ്യാപിച്ച് സർക്കാർ