ചെന്നൈ: കോയമ്പത്തൂര്‍ സൗത്ത് മണ്ഡലത്തില്‍ എതിർ സ്‌ഥാനാർഥികൾ വോട്ടർമാർക്ക് വൻ തോതിൽ പണം നൽകുന്നതായി മക്കൾ നീതി മയ്യം സ്‌ഥാനാർഥി കമൽ ഹാസൻ. നടപടിയാവശ്യപ്പെട്ട് കമല്‍ ഹാസന്‍ തിരഞ്ഞെടുപ്പ് കമ്മീഷന് പരാതി നൽകി.
കടുത്ത മൽസരം നടക്കുന്ന മണ്ഡലമാണ് കമല്‍ മൽസരിക്കുന്ന കോയമ്പത്തൂര്‍ സൗത്ത്. മഹിളാ മോർച്ച ദേശീയ പ്രസിഡണ്ട് വാനതി ശ്രീനിവാസൻ, കോൺഗ്രസ് സംസ്‌ഥാന വർക്കിങ് പ്രസിഡണ്ട് മയൂര ജയകുമാർ എന്നിവരാണ് കമലിന്റെ എതിരാളികള്‍.
വോട്ടർമാർക്ക് ഡിഎംകെ പണം നൽകിയെന്നാരോപിച്ച് തൗസന്റ് ലൈറ്റ്സ് മണ്ഡലത്തിലെ ബിജെപി സ്‌ഥാനാർഥി ഖുഷ്ബു സുന്ദറും തിരഞ്ഞെടുപ്പ് കമ്മീഷന് പരാതി നൽകിയിരുന്നു. ഡിഎംകെയുടെ പ്രവർത്തകരും നേതാക്കൻമാരും പലയിടത്തും പരസ്യമായാണ് പണം നൽകുന്നതെന്ന് ഡിഎംകെ കരുതുന്നതെന്നും ഖുശ്ബു നല്‍കിയ പരാതിയില്‍ പറയുന്നു.
Kerala News: കഴക്കൂട്ടത്ത് വീണ്ടും സിപിഐഎം-ബിജെപി സംഘര്‍ഷം
