ബെംഗളൂരു: കന്നഡ സൂപ്പർ താരം പുനീത് രാജ്‌കുമാറിന്റെ സംസ്‌കാരം നാളെ. അമേരിക്കയിലുള്ള മകളെത്തിയ ശേഷമാകും സംസ്‌കാരം നടക്കുക. അച്ഛൻ രാജ്‌കുമാറിന്റെ ശവകുടീരം സ്‌ഥിതി ചെയ്യുന്ന കണ്ഡീരവ സ്‌റ്റുഡിയോയിലാണ് പുനീതിന്റെയും സംസ്‌കാരം നടക്കുക. അഭിനയത്തോടൊപ്പം തന്നെ ജീവകാരുണ്യ പ്രവർത്തനങ്ങളിൽ സജീവമായിരുന്നു അദ്ദേഹം കന്നഡ ജനതയ്‌ക്ക്‌ ഒരു നടനെന്നതിൽ ഉപരി ഏറെ പ്രിയപ്പെട്ട വ്യക്‌തിത്വം കൂടിയായിരുന്നു.
ഇന്നലെ രാവിലെയോടെ താരം ജിമ്മിൽ വ്യായാമം ചെയ്യുമ്പോഴാണ് അസ്വസ്‌ഥതകൾ ഉണ്ടായത്. തുടർന്ന് ബെംഗളൂരുവിലെ വിക്രം ഹോസ്‌പിറ്റലിൽ എത്തിച്ചെങ്കിലും ഉച്ചയോടെ മരണം സംഭവിക്കുകയായിരുന്നു. ഏകദേശം 30ഓളം സിനിമകളിൽ അദ്ദേഹം നായകനായി വേഷമിട്ടിട്ടുണ്ട്. അപ്പു, അഭി, അജയ്, അരസു എന്നീ ചിത്രങ്ങളിലെ പ്രകടനത്തിലൂടെ ആരാധകർക്കിടയിൽ ശ്രദ്ധേയനായ പുനീതിന് മികച്ച ബാലതാരത്തിനുള്ള ദേശീയ അവാർഡും ലഭിച്ചിരുന്നു.
Read Also: സിപിഎം പ്രാദേശിക നേതാവിന്റെ തിരോധാനം; പോലീസിനോട്‌ ഹൈക്കോടതി വിശദീകരണം തേടി
