കണ്ണൂർ: സൗജന്യ സേവനത്തിന് മൂന്ന് ആംബുലൻസുകൾ സജ്‌ജമാക്കിയതായി കണ്ണൂർ കോർപറേഷൻ അധികൃതർ അറിയിച്ചു. കോർപറേഷൻ പരിധിയിലെ കോവിഡ് ബാധിതരെയും മറ്റ് രോഗികളെയും അടിയന്തര സാഹചര്യങ്ങളിൽ ആശുപത്രികളിലും ഡോമിസിലിയർ കെയർ സെന്ററിലേക്കും സൗജന്യമായി എത്തിക്കുന്നതിനാണ് ആംബുലൻസുകൾ സജ്‌ജമാക്കിയത്.
നേരത്തേ തന്നെ അടിയന്തര സാഹചര്യങ്ങളിൽ ഉപയോഗിക്കാൻ അഞ്ചോളം മറ്റു വാഹനങ്ങൾ തയ്യാറാക്കിയിരുന്നു. ഇതിൽ മാധവ റാവു സിന്ധ്യ ആശുപത്രിയുടെ ആംബുലൻസിന്റെ സമ്മതപത്രം ചെയർമാൻ കെ പ്രമോദ് മേയർ അഡ്വ. ടിഒ മോഹനന് കൈമാറി. ഡെപ്യൂട്ടി മേയർ കെ ശബീന, സ്‌ഥിരംസമിതി അധ്യക്ഷൻമാരായ അഡ്വ. മാർട്ടിൻ ജോർജ്, പികെ രാഗേഷ്, ഷമീമ ടീച്ചർ, കൗൺസിലർമാർ, കോർപ്പറേഷൻ സെക്രട്ടറി ഡി സാജു എന്നിവരും ചടങ്ങിൽ പങ്കെടുത്തു.
Malabar News: കാസർഗോഡിന് താൽക്കാലിക ആശ്വാസം; ജില്ലയിലേക്ക് 290 ഓക്‌സിജൻ സിലിണ്ടറുകളെത്തി
