ബെംഗളൂരു: കേന്ദ്രസർക്കാരിന്റെ പുതിയ കാർഷിക നിയമത്തിനെതിരെ പ്രതിഷേധിക്കുന്നവർ തീവ്രവാദികളാണെന്ന പരാമർശത്തിൽ ബോളിവുഡ് നടി കങ്കണ റണൗട്ടിനെതിരെ എഫ്ഐആർ രജിസ്റ്റർ ചെയ്യാൻ കോടതി നിർദ്ദേശം. അഭിഭാഷകനായ എൽ രമേശ് നായിക്കിന്റെ പരാതിയുടെ അടിസ്ഥാനത്തിൽ കർണാടക, തുമകുരു ജുഡീഷ്യൽ മജിസ്ട്രേറ്റ് ഫസ്റ്റ് ക്ലാസ് കോടതിയാണ് അധികാര പരിധിയിലുള്ള പോലീസ് സ്റ്റേഷന് നിർദ്ദേശം നൽകിയത്.
A Karnataka court orders registration of FIR against actor Kangana Ranaut for her now-deleted tweet on farmers’ protests over recently passed farm laws. (file photo) pic.twitter.com/Vd7GdZgHnC
— ANI (@ANI) October 9, 2020
കാർഷിക നിയമത്തിനെതിരെ പ്രതിഷേധിക്കുന്നവർ കർഷകരല്ലെന്നും അവർ തീവ്രവാദികളാണെന്നും ആയിരുന്നു ട്വിറ്ററിലൂടെ കങ്കണയുടെ പ്രതികരണം. “പ്രധാനമന്ത്രി മോദിജി, ഉറങ്ങുന്നവരെ ഉണർത്താൻ കഴിയും. ആരെങ്കിലും തെറ്റിദ്ധരിപ്പിക്കപ്പെട്ടിട്ട് ഉണ്ടെങ്കിൽ അവരെ മനസ്സിലാക്കി കൊടുക്കാൻ കഴിയും. എന്നാൽ മനസ്സിലാകാത്തത് പോലെ അഭിനയിക്കുന്നവരെ പിന്നെ എന്ത് ചെയ്യാൻ സാധിക്കും. സിഎഎ കൊണ്ടുവന്നതിലൂടെ ഒരാൾക്ക് പോലും പൗരത്വം നഷ്ടമായിട്ടില്ല. ഇതേ തീവ്രവാദികളാണ് അന്ന് ഇവിടെ ചോരപ്പുഴ ഒഴുക്കിയത്,”- എന്നിങ്ങനെയായിരുന്നു കങ്കണയുടെ ട്വീറ്റ്.
Also Read: ബിജെപി എംപി പ്രതികളെ സന്ദർശിച്ചു, കേസ് വഴിതിരിച്ചു വിടാൻ ശ്രമം; ഹത്രസ് പെൺകുട്ടിയുടെ കുടുംബം