ബംഗളൂരു : കര്‍ണാടയില്‍ നിന്നുള്ള രാജ്യസഭാംഗം കോവിഡ് ബാധിച്ച് മരിച്ചു. ബിജെപി എംപി ആയ അശോക് ഗസ്‌തിയാണ് മരിച്ചത്. ഇദ്ദേഹം കഴിഞ്ഞ രണ്ടാഴ്ചയായി ആശുപത്രിയില്‍ ചികിത്സയിലായിരുന്നു. കോവിഡ് ബാധിച്ചു ജീവന്‍ നഷ്‌ടമാകുന്ന മൂന്നാമത്തെ എംപിയാണ് അശോക് ഗസ്‌തി.
കര്‍ണാടകയിലെ റായ്ച്ചൂരില്‍ നിന്നാണ് ഇദ്ദേഹം എംപി ആയി തിരഞ്ഞെടുക്കപ്പെട്ടത്. കഴിഞ്ഞ ജൂലായ് 22 നാണ് അദ്ദേഹം രാജ്യസഭയിലേക്ക് സത്യപ്രതിജ്ഞ ചെയ്‌തത്‌. ഈ മാസം രണ്ടാം തീയതിയോടെ രോഗത്തെ തുടര്‍ന്നാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്. തുടര്‍ന്ന് നടത്തിയ പരിശോധനയില്‍ കോവിഡ് സ്ഥിരീകരിക്കുകയായിരുന്നു. പിന്നീട് ആരോഗ്യസ്ഥിതി മോശമായതിനെ തുടര്‍ന്ന് വെന്റിലേറ്ററില്‍ ആയിരുന്നുവെന്നാണ് വ്യക്തമാകുന്നത്.
എബിവിപി യിലൂടെയാണ് ഗസ്‌തി രാഷ്ട്രീയത്തിലേക്ക് കടന്നത്. പിന്നീട് യുവമോര്‍ച്ചയുടെ സംസ്ഥാന അധ്യക്ഷനായും അദ്ദേഹം പ്രവര്‍ത്തിച്ചിട്ടുണ്ട്. 2012 ല്‍ കര്‍ണാടക പിന്നോക്ക വിഭാഗ ക്ഷേമ ചെയര്‍മാനായി പ്രവര്‍ത്തിച്ച അദ്ദേഹം 2020 ജൂലായ് ലാണ് രാജ്യസഭാംഗമായി തിരഞ്ഞെടുക്കപ്പെട്ടത്.
Read also : പോരാളികള്‍ എന്ന് വാഴ്‌ത്തുമ്പോഴും ആരോഗ്യ പ്രവര്‍ത്തകരെ കേന്ദ്രം അവഗണിക്കുന്നു; ഐഎംഎ
