തൃശൂർ: കരുവന്നൂര്‍ ബാങ്ക് തട്ടിപ്പിൽ പ്രതികളുടെ അറസ്‌റ്റ് വൈകുന്നതിനെതിരെ പ്രതിപക്ഷം. പ്രതികളെ ഭരണപക്ഷത്തിന് ഭയമാണെന്നും കേസ് സിബിഐക്ക് കൈമാറണമെന്നും പ്രതിപക്ഷ നേതാവ് വിഡി സതീശന്‍ ആവശ്യപ്പെട്ടു. സിപിഎം ഉന്നത നേതൃത്വത്തിനും കേസില്‍ ബന്ധമുള്ളതിനാലാണ് പ്രതികളുടെ അറസ്‌റ്റ് വൈകുന്നതെന്നാണ് പ്രതിപക്ഷ നേതാവിന്റെ ആരോപണം.
മുതിര്‍ന്ന നേതാക്കള്‍ കുടുങ്ങുമെന്ന ഭയം കാരണമാണോ അറസ്‌റ്റ് വൈകിപ്പിക്കുന്നത്. ഭയപ്പെടാനില്ലെങ്കില്‍ എന്തുകൊണ്ടാണ് കേന്ദ്ര അന്വേഷണത്തെ സര്‍ക്കാരും സിപിഎമ്മും എതിര്‍ക്കുന്നത്. സഹകരണ മേഖല കൂടുതല്‍ സുതാര്യമാക്കിയില്ല എങ്കില്‍ ജനങ്ങള്‍ അവിശ്വസിക്കും. അതിനുള്ള നടപടി സര്‍ക്കാര്‍ സ്വീകരിക്കണമെന്നും പ്രതിപക്ഷ നേതാവ് പറഞ്ഞു.
Read also: ഉൽഘാടന ചടങ്ങുകളില്ല; കുതിരാന്‍ തുരങ്കം തുറന്നു
