കൊച്ചി: പനമ്പിള്ളി നഗര് ബ്യൂട്ടിപാര്ലര് വെടിവെപ്പ് കേസില് അധോലോക കുറ്റവാളി രവി പൂജാരിയുടെ കസ്റ്റഡി കാലാവധി ഇന്ന് തീരും. കഴിഞ്ഞ ദിവസങ്ങളില് പൂജാരിയെ ചോദ്യം ചെയ്തതില് നിന്ന് നിര്ണായക വിവരങ്ങള് ലഭിച്ചതായാണ് ക്രൈം ബ്രാഞ്ച് ഉദ്യോഗസ്ഥര് പറയുന്നത്.
പൂജാരി കുറ്റം സമ്മതിക്കുകയും പൂജാരിയുടെ ശബ്ദം ബ്യൂട്ടിപാര്ലര് ഉടമ ലീന മരിയ പോള് തിരിച്ചറിയുകയും ചെയ്തിട്ടുണ്ട്. പൂജാരിയില് നിന്ന് ശേഖരിച്ച വിവരങ്ങള് സ്ഥിരീകരിക്കുകയാണ് അന്വേഷണത്തിന്റെ അടുത്ത ഘട്ടം. പൂജാരി വെളിപ്പെടുത്തിയ ക്രിമിനല് സംഘങ്ങള്ക്ക് കേസുമായുള്ള ബന്ധം സ്ഥിരീകരിക്കുന്നതിനായി ഉള്ള ശാസ്ത്രീയ തെളിവെടുപ്പ് അന്വേഷണ സംഘം ആരംഭിച്ചിട്ടുണ്ട്.
കസ്റ്റഡി കാലാവധി തീരുന്ന സാഹചര്യത്തില് ഇന്ന് ഉച്ചയോടെ സിജെഎം കോടതിയില് രവി പൂജാരിയെ ഹാജരാക്കും. രവി പൂജാരി പേര് വെളിപ്പെടുത്തിയ ചില ഗുണ്ടകളെ വരും ദിവസങ്ങളില് കസ്റ്റഡിയില് എടുത്തേക്കും.
Read Also: വാക്സിൻ നൽകാനാകില്ലെന്ന് കമ്പനികൾ; ഒരു കോടിയുടെ ഓർഡർ റദ്ദാക്കിയെന്ന് സർക്കാർ