കോഴിക്കോട്: ജില്ലയിൽ വൻ ലഹരിവേട്ട. വൻതോതിലുള്ള ലഹരി വസ്‌തുക്കളുമായി കോഴിക്കോട് മാങ്കാവിൽ യുവാവ് പിടിയിലായി. മാങ്കാവ് സ്വദേശി ഫസലു ആണ് പിടിയിലായത്. ഇയാളുടെ പകലിൽ നിന്ന് 82 എൽഎസ്‌ഡി സ്‌റ്റാമ്പ്, ഒന്നേകാൽ കിലോ ഹാഷിഷ് ഓയിൽ, മൂന്ന് ഗ്രാം എംഡിഎംഎ, മൂന്ന് ഗ്രാം കൊക്കെയ്‌ൻ എന്നിവ പിടിച്ചെടുത്തു.
എക്‌സൈസ് കോഴിക്കോട് സർക്കിൾ ഇൻസ്‌പെക്‌ടറുടെ പരിശോധനയിലാണ് ലഹരിവസ്‌തുക്കൾ കണ്ടെടുത്തത്. കൊച്ചി എക്‌സൈസ് നൽകിയ പ്രത്യേക വിവരത്തിന്റെ അടിസ്‌ഥാനത്തിൽ ആയിരുന്നു കോഴിക്കോട് ജില്ലയുടെ പലഭാഗങ്ങളിലും പരിശോധന നടത്തിയത്. ജില്ലയിലെ വിവിധ ടാറ്റൂ സ്‌ഥാപനങ്ങൾ കേന്ദ്രീകരിച്ചും റെയ്‌ഡ്‌ നടക്കുന്നുണ്ട്.
Most Read: വഖഫ് നിയമനം; മുസ്‌ലിം സംഘടനകളുടെ യോഗം വിളിച്ച് മുഖ്യമന്ത്രി
