തിരുവനന്തപുരം: കെഎസ്ആർടിസി ശമ്പള വിതരണം നാളെ നടക്കും. മാനേജ്മെന്റ്-യൂണിയൻ ചർച്ചയിലാണ് ഇത് സംബന്ധിച്ച് ധാരണയായത്. ജീവനക്കാർക്ക് ഓണം ബോണസ് നൽകാനും തീരുമാനമായിട്ടുണ്ട്. ഓണം അലവൻസായി ജീവനക്കാർക്ക് 2750 രൂപ നൽകും. സ്വിഫ്റ്റ് ജീവനക്കാർക്കും മറ്റു കാഷ്വൽ ജീവനക്കാർക്കും 1000 രൂപ ഉൽസവബത്തയും നൽകും. അഡ്വാൻസ് പരിഗണിക്കുമെന്നും മാനേജ്മെന്റ് ഉറപ്പ് നൽകി.
ഇതോടെ പണിമുടക്ക് പിൻവലിക്കാവുന്ന സാഹചര്യമാണ് ഉണ്ടായതെന്നാണ് യൂണിയനുകൾ വിലയിരുത്തുന്നത്. ഉറപ്പുകൾ പാലിച്ചില്ലെങ്കിൽ അടുത്ത ശനിയാഴ്ച മുതൽ പണിമുടക്ക് നടത്തുമെന്നായിരുന്നു സിഐടിയു ഉൾപ്പടെയുള്ള യൂണിയനുകളുടെ തീരുമാനം. ശമ്പളം പണമായി തന്നെ കൊടുക്കണമെന്നും കൂപ്പൺ സമ്മതിക്കില്ലെന്നും കഴിഞ്ഞ ദിവസം ഹൈക്കോടതിയും വ്യക്തമാക്കിയിരുന്നു.
Most Read| 500 രൂപക്ക് പാചകവാതകം, സ്ത്രീകൾക്ക് 1500; മധ്യപ്രദേശിൽ വൻ പ്രഖ്യാപനങ്ങളുമായി കോൺഗ്രസ്