ടൊവിനോ തോമസിനെ നായകനാക്കി ബിഗ് ബജറ്റ് ചിത്രം ഒരുക്കാൻ ലാല് ജൂനിയര്. ‘ഡ്രൈവിങ് ലൈസന്സി’ന് ശേഷം ലാൽ ജൂനിയർ സംവിധാനം ചെയ്യുന്ന ഈ വമ്പന് പ്രൊജക്ടിൽ സൗബിനും പ്രധാന കഥാപാത്രത്തെ അവതിപ്പിക്കുന്നുണ്ട്.
ചിത്രത്തിന്റെ ടൈറ്റിലും മറ്റു വിവരങ്ങളും ഉടന് പുറത്തുവിടുമെന്ന് അണിയറ പ്രവർത്തകർ അറിയിച്ചു. സുവിന് സോമനാണ് ചിത്രത്തിന്റെ തിരക്കഥ എഴുതിയിരിക്കുന്നത്. ആല്ബി ഛായാഗ്രഹണവും യക്സന് ഗാരി പെരേര, നേഹ നായര് എന്നിവര് ചേര്ന്ന് സംഗീത സംവിധാനവും നിര്വഹിക്കുന്നു.
മിന്നല് മുരളി, തല്ലുമാല, അജയന്റെ രണ്ടാം മോഷണം തുടങ്ങിയ മെഗാ പ്രൊജക്ടുകള്ക്ക് ശേഷം എത്തുന്ന ടൊവിനോയുടെ മറ്റൊരു ബിഗ് ബജറ്റ് ചിത്രം കൂടിയാണിത്.
അതേസമയം ബേസില് ജോസഫ് സംവിധാനം ചെയ്ത ‘മിന്നല് മുരളി’യാണ് ടൊവിനോയുടേതായി റീലിസിനൊരുങ്ങുന്ന ചിത്രം.
Most Read: മുടികൊഴിച്ചിൽ മാറ്റാം ഇനി ഈസിയായി; വീട്ടിൽ പരീക്ഷിക്കാവുന്ന ചില ടിപ്സുകളിതാ