തിരുവനന്തപുരം: വനം വികസന കോർപറേഷൻ ചെയർപേഴ്സണായി ലതിക സുഭാഷിനെ നിയമിച്ചു. നിലവിൽ എൻസിപി സംസ്ഥാന വൈസ് പ്രസിഡണ്ടാണ് ലതിക സുഭാഷ്. വനം വികസന കോർപറേഷൻ ചെയർപേഴ്സണായി തിങ്കളാഴ്ച ചുമതലയേൽക്കുമെന്ന് ലതിക സുഭാഷ് അറിയിച്ചു. കോൺഗ്രസ് വിട്ട ലതിക സുഭാഷ് എൽഡിഎഫിൽ എത്തിയത്ത് കഴിഞ്ഞ നിയമസഭാ തിരഞ്ഞെടുപ്പിന് ശേഷമാണ്.
മഹിളാ കോൺഗ്രസ് സംസ്ഥാന അദ്ധ്യക്ഷയായിരുന്ന ലതിക കഴിഞ്ഞ നിയമസഭാ തിരഞ്ഞെടുപ്പിലെ സീറ്റ് വിഭജന വിവാദങ്ങളെ തുടർന്ന് പാർട്ടി വിടുകയായിരുന്നു. കോൺഗ്രസ് വിട്ടതിന് പിന്നാലെ ഏറ്റുമാനൂരിൽ സ്വതന്ത്രയായി മൽസരിക്കുകയും തിരഞ്ഞെടുപ്പിന് ശേഷം എൻസിപിയിൽ ചേരുകയുമായിരുന്നു. നേരത്തെ കോൺഗ്രസ് വിട്ട മുതിർന്ന നേതാവ് പിടി ചാക്കോയുടെ ഇടപെടലിന്റെ ഫലമായാണ് അവർ എൻസിപിയിൽ എത്തിയത്.
Read Also: കെ-റെയിൽ; എതിർപ്പ് മാറി പദ്ധതി നടപ്പിലാവുമെന്ന് മുഖ്യമന്ത്രി