ലോക്‌സഭാ തിരഞ്ഞെടുപ്പ്; സിപിഎം സ്‌ഥാനാർഥി പട്ടികയിൽ അന്തിമതീരുമാനം ഇന്ന്

സംസ്‌ഥാന നേതൃത്വത്തിന്റെ തീരുമാനത്തിന് ശേഷം പൊളിറ്റ് ബ്യൂറോ അനുമതിയോടെ ഈ മാസം 27ന് സ്‌ഥാനാർഥികളെ പ്രഖ്യാപിക്കും

By Trainee Reporter, Malabar News
cpim secratriate kerala
Representational Image
Ajwa Travels

തിരുവനന്തപുരം: ലോക്‌സഭാ തിരഞ്ഞെടുപ്പിൽ വിവിധ മണ്ഡലങ്ങളിലെ സിപിഎം സ്‌ഥാനാർഥികൾ ആരൊക്കെയെന്നതിൽ അന്തിമതീരുമാനം ഇന്നുണ്ടാകും. രാവിലെ ചേരുന്ന സംസ്‌ഥാന സെക്രട്ടറിയേറ്റും ഉച്ചയ്‌ക്ക് ചേരുന്ന സംസ്‌ഥാന കമ്മിറ്റിയും ജില്ലാ സെക്രട്ടറിയേറ്റ് തയ്യാറാക്കിയ സ്‌ഥാനാർഥി നിർദ്ദേശങ്ങൾ ചർച്ച ചെയ്യും.

തുടർന്ന് സംസ്‌ഥാന നേതൃത്വത്തിന്റെ തീരുമാനത്തിന് ശേഷം പൊളിറ്റ് ബ്യൂറോ അനുമതിയോടെ ഈ മാസം 27ന് സ്‌ഥാനാർഥികളെ പ്രഖ്യാപിക്കും. 11 സീറ്റുകളിലേക്കുള്ള സ്‌ഥാനാർഥികളെ സംബന്ധിച്ചുള്ള ഏകദേശ ധാരണയായിട്ടുണ്ട്. ആലത്തൂരിൽ മന്ത്രി കെ രാധാകൃഷ്‌ണൻ ഇറങ്ങിയേക്കും. കേന്ദ്ര കമ്മിറ്റി അംഗങ്ങളായ കെകെ ശൈലജ വടകരയിലും ടിഎം തോമസ് ഐസക് പത്തനംതിട്ടയിലും എളമരം കരീം കോഴിക്കോടും മൽസരിക്കും.

പൊന്നാനിയിൽ കെടി ജലീൽ മൽസരിക്കണമെന്നാണ് സിപിഎമ്മിന്റെ താൽപര്യം. വി വസീഫ്, വിപി സാനു എന്നീ പേരുകളും സംസ്‌ഥാന നേതൃത്വത്തിന് മുന്നിലുണ്ട്. മലപ്പുറത്ത് വിപി സാനു, അഫ്‌സൽ എന്നിവരുടെ പേരുകളാണ് ചർച്ചയിലുള്ളത്. ചാലക്കുടിയിൽ സി രവീന്ദ്രനാഥിനെയാണ് ജില്ലാ സെക്രട്ടറിയേറ്റ് നിർദ്ദേശിച്ചത്. എറണാകുളത്ത് യേശുദാസ് പാറപ്പള്ളി, കെവി തോമസിന്റെ മകൾ രേഖാ തോമസ് എന്നീ പേരുകളും പരിഗണനയിലുണ്ട്.

കണ്ണൂർ മണ്ഡലത്തിൽ എൽഡിഎഫ് സ്‌ഥാനാർഥിയായി എംവി ജയരാജൻ മൽസരിക്കും. കാസർഗോഡ് എംവി ബാലകൃഷ്‌ണനും സ്‌ഥാനാർഥിയാകും. കൊല്ലം ലോക്‌സഭാ മണ്ഡലത്തിലേക്ക് സിറ്റിങ് എംഎൽഎയും നടനുമായ എം മുകേഷിന്റെ പേര് നിർദ്ദേശിക്കാൻ ജില്ലാ സെക്രട്ടറിയേറ്റ് യോഗം തീരുമാനിച്ചിട്ടുണ്ട്. ആലപ്പുഴയിൽ സിറ്റിങ് എംപി എഎം ആരിഫ് തന്നെ മൽസരിക്കും. പാലക്കാട്ട് എ വിജയരാഘവനും ഇറങ്ങും.

Most Read| അണയില്ല മോനെ! ഒരു നൂറ്റാണ്ടിലേറെയായി പ്രകാശം പരത്തുന്ന ബൾബ്

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE