വൈആര്എസിന്റെ ജീവിതം പറഞ്ഞ ‘യാത്ര’യ്ക്ക് ശേഷം മമ്മൂട്ടി അഭിനയിക്കുന്ന തെലുങ്ക് ചിത്രമാണ് ‘ഏജന്റ്‘. അഖില് അക്കിനേനി നായകനാകുന്ന ഈ ചിത്രത്തിൽ പട്ടാളക്കാരന്റെ വേഷത്തിലാണ് മമ്മൂട്ടി എത്തുന്നത്. സിനിമയുടെ ചിത്രീകരണത്തിനായി മമ്മൂട്ടി ഹംഗറിയിലെത്തി.
അഞ്ച് ദിവസത്തെ ഷൂട്ടിങ്ങിനായാണ് താരം ഹംഗറിയിൽ എത്തിയതെന്നാണ് റിപ്പോർട്ടുകൾ. നടന്റെ ഇൻട്രോ സീൻ ഉൾപ്പടെയുള്ള രംഗങ്ങൾ ഇവിടെ ചിത്രീകരിക്കുമെന്നാണ് വിവരം. ഹംഗറിയിൽ നിന്നുമുള്ള മമ്മൂട്ടിയുടെ ചിത്രങ്ങൾ ഇതിനോടകം സമൂഹ മാദ്ധ്യമങ്ങളിൽ വൈറലായി കഴിഞ്ഞു.
Mammookka reached Hungery for #AkhilAkkineni ‘s #Agent shoot..#Mammootty @mammukka @AkhilAkkineni8 @DirSurender pic.twitter.com/VM5u3sUpmD
— Vishnu PS (@ItsMeVishnuPS) October 28, 2021
സുരേന്ദര് റെഡ്ഡിയാണ് ചിത്രം സംവിധാനം ചെയ്യുന്നത്. ഹോളിവുഡ് ത്രില്ലര് ബോണ് സീരിസില് നിന്നും പ്രചോദനം ഉള്ക്കൊണ്ടാണ് ചിത്രം ഒരുങ്ങുന്നത്.
ഇന്ത്യയിൽ കശ്മീർ, ഡെൽഹി, ഹൈദരാബാദ് എന്നിവിടങ്ങളിലാകും ചിത്രീകരണം നടക്കുക. ഹിപ്ഹോപ്പ് തമിഴയാണ് സംഗീതം. രാകുൽ ഹെരിയൻ ഛായാഗ്രഹണവും നവീൻ നൂലി എഡിറ്റിങ്ങും നിർവഹിക്കുന്നു.
Most Read: തണ്ണിമത്തന് കൊണ്ടുള്ള ചില ബ്യൂട്ടി ടിപ്സുകളിതാ