കോഴിക്കോട്: വരുന്ന ലോക്സഭാ തിരഞ്ഞെടുപ്പിൽ മൽസരിക്കാൻ ഇല്ലെന്ന് സൂചന നൽകി കെ മുരളീധരൻ എംപി. കെ കരുണാകരൻ സ്മാരക നിർമാണം ഇതുവരെ പൂർത്തിയായിട്ടില്ല. അക്കാര്യത്തിൽ അടക്കം ശ്രദ്ധ കേന്ദ്രീകരിക്കാൻ പൊതുപ്രവർത്തനത്തിൽ നിന്ന് മാറിനിൽക്കാൻ ആഗ്രഹിക്കുണ്ടെന്ന് കെ മുരളീധരൻ പറഞ്ഞു. പുതുപ്പള്ളി ഉപതിരഞ്ഞെടുപ്പിന് ശേഷം ചില കാര്യങ്ങൾ പറയാനുണ്ടെന്നും കെ മുരളീധരൻ പറഞ്ഞു.
ചെന്നിത്തല കോൺഗ്രസ് പ്രവർത്തക സമിതിയിൽ നിന്ന് അവഗണിക്കപ്പെട്ടോയെന്ന ചോദ്യത്തിന് മറുപടി നൽകുകയായിരുന്നു മുരളീധരൻ. ഉമ്മൻ ചാണ്ടിയെ കുറിച്ച് നല്ലത് പറഞ്ഞാൽ ജോലി പോകുന്ന അവസ്ഥയാണ്. പാവങ്ങളെ ഇപ്പോൾ സിപിഎമ്മിന് വേണ്ട. ഇതിന് തിരഞ്ഞെടുപ്പിൽ ജനങ്ങൾ മറുപടി പറയുമെന്നും അദ്ദേഹം കൂട്ടിച്ചേർത്തു.
അതേസമയം, കോൺഗ്രസ് പ്രവർത്തക സമിതി സ്ഥിരം അംഗമാക്കാത്തതിലുള്ള കടുത്ത അമർഷത്തിലാണ് രമേശ് ചെന്നിത്തല. പുതുപ്പള്ളി തിരഞ്ഞെടുപ്പിന് ശേഷം എല്ലാം പറയുമെന്ന് അറിയിച്ച ചെന്നിത്തല അതൃപ്തി പറയാതെ പറഞ്ഞു.
Most Read| തുവ്വൂർ കൊലപാതകം; പിന്നിൽ സാമ്പത്തിക കാരണങ്ങളെന്ന് മൊഴി- കൂടുതൽ അറസ്റ്റ്