തിരുവനന്തപുരം: മത ന്യൂനപക്ഷങ്ങൾക്ക് തുല്യമായി വിതരണം ചെയ്യേണ്ട സ്‌കോളർഷിപ്പ് മുസ്‌ലിങ്ങൾക്ക് കൂടുതൽ നൽകുന്നുവെന്ന പ്രചാരണം തെറ്റെന്ന് മുതിർന്ന സിപിഎം നേതാവും പോളിറ്റ് ബ്യൂറോ അംഗവുമായ എംഎ ബേബി. 80:20 അനുപാതം റദ്ദാക്കിയ ഹൈക്കോടതി വിധി നടപ്പാക്കുമെന്ന മന്ത്രി എംവി ഗോവിന്ദന്റെ നിലപാടിനെ തള്ളിക്കൊണ്ടാണ് എംഎം ബേബിയുടെ പ്രതികരണം.
വിഷയത്തിൽ വർഗീയ വിദ്വേഷം പടർത്താനുള്ള ശ്രമങ്ങളെ തള്ളിക്കളയണമെന്നും അദ്ദേഹം ഫേസ്ബുക്ക് പോസ്‌റ്റിലൂടെ ആവശ്യപ്പെട്ടു. മുഖ്യമന്ത്രി പിണറായി വിജയനും ഇന്നലെ വാർത്താ സമ്മേളനത്തിൽ എംവി ഗോവിന്ദന്റെ നിലപാട് തള്ളിയിരുന്നു. ഹൈക്കോടതി വിധിയുടെ വിവിധ വശങ്ങൾ പഠിച്ചതിന് ശേഷം തീരുമാനമെടുക്കും എന്നായിരുന്നു മുഖ്യമന്ത്രി വ്യക്‌തമാക്കിയത്.
ഹൈക്കോടതി വിധിക്ക് പിന്നാലെ പാർട്ടിയിലും, മുന്നണിയിലും ഇതുമായി ബന്ധപ്പെട്ട് വ്യത്യസ്ത അഭിപ്രായങ്ങളാണ് പുറത്തുവന്നത്. ഇടതുമുന്നണിയിലെ ഘടകകക്ഷികളായ ഐഎൻഎല്ലും കേരള കോൺഗ്രസ് എമ്മും വ്യത്യസ്ത അഭിപ്രായങ്ങളാണ് ഇതിൽ പ്രകടിപ്പിച്ചത്. സിപിഎമ്മിലും സമാന സാഹചര്യമാണുള്ളത്.
Read Also: പൃഥ്വിരാജിന്റെ പ്രതികരണം സമൂഹത്തിന്റെ വികാരം; പിന്തുണച്ച് മുഖ്യമന്ത്രി
