ഇടുക്കി: മുല്ലപ്പെരിയാറിൽ ജലനിരപ്പുയരുന്നതില് ആശങ്കയുണ്ടെന്ന് വൈദ്യുതി മന്ത്രി എം.എം മണി. ജലനിരപ്പുയരുന്നതിലെ ആശങ്ക കേരളം തമിഴ്നാടിനെ അറിയിച്ചിട്ടുണ്ടെന്നും അദ്ദേഹം വ്യക്തമാക്കി. മുല്ലപ്പെരിയാര് അണക്കെട്ട് തുറക്കുന്നതിന്റെ നിയന്ത്രണം തമിഴ്നാടിനാണ്. ഒപ്പം സംസ്ഥാനത്ത് ആവശ്യമായ മുന്നൊരുക്കം നടത്തിയിട്ടുണ്ടെന്നും അദ്ദേഹം പറഞ്ഞു.
അതേസമയം, അണക്കെട്ടില് ഇന്നലെ ജലനിരപ്പ് 131 അടിയിലേക്ക് എത്തിയപ്പോള് തന്നെ ആദ്യ മുന്നറിയിപ്പ് നല്കിയിരുന്നു. അണക്കെട്ടിലെ ജലനിരപ്പ് 132 അടിയിലെത്തിയതോടെ ജാഗ്രതാ നിര്ദേശവും പുറപ്പെടുവിച്ചു. 136 അടിയിലെത്തിയാല് രണ്ടാം നിര്ദേശവും നല്കും. 142 അടിയാണ് മുല്ലപ്പെരിയാര് അണക്കെട്ടിലെ അനുവദനീയമായ സംഭരണശേഷി.