ചാവക്കാട്: മുസ്‌ലിം ലീഗ് ഗുരുവായൂര്‍ നിയോജക മണ്ഡലം ട്രഷറര്‍ വികെ യൂസഫ് പാര്‍ട്ടി വിട്ടു. പഞ്ചായത്ത് ഭാരവാഹികളോ പ്രവര്‍ത്തകരോ തനിക്ക് അര്‍ഹമായ സ്‌ഥാനം തരുന്നില്ലെന്നും പ്രവര്‍ത്തനങ്ങളില്‍ താനുമായി കൂടിയാലോചന നടത്തുന്നില്ലെന്നും ആരോപിച്ചാണ് അണ്ടത്തോട് സ്വദേശിയും പുന്നയൂര്‍ക്കുളം പഞ്ചായത്ത് മുന്‍ അംഗവുമായ ഇദ്ദേഹം ലീഗ് വിട്ട് സിപിഎമ്മില്‍ ചേര്‍ന്നത്.
പുന്നയൂര്‍ക്കുളം പഞ്ചായത്തിലെ മുസ്‌ലിം ലീഗ് ചില വ്യക്‌തികളില്‍ മാത്രം ഒതുങ്ങുന്നു. പഞ്ചായത്ത് ഭരണസമിതിക്കെതിരെ മൂന്നര വര്‍ഷം മിണ്ടാതിരുന്നു. ലീഗ് മുന്‍ പഞ്ചായത്ത് പ്രസിഡണ്ട് അഹമ്മദ് മുഹ്‍യിദ്ദീന്‍, പ്രവര്‍ത്തകന്‍ അബൂബക്കര്‍ തൈപ്പറമ്പില്‍ എന്നിവരും നേതൃത്വത്തിന്റെ അവഗണനയില്‍ പ്രതിഷേധിച്ച് രാജിവെച്ചതായി അദ്ദേഹം അറിയിച്ചു. അതേസമയം, വികെ യൂസഫിന്റെ ആരോപണം അടിസ്‌ഥാന രഹിതമാണെന്ന് മുസ്‌ലിം ലീഗ് പഞ്ചായത്ത് കമ്മിറ്റി പ്രസിഡണ്ട് എകെ മൊയ്‌തുണ്ണി പറഞ്ഞു.
Read also: അന്തിക്കാട് നിധിന്‍ കൊലപാതക കേസ്; ഒരാള്‍ കൂടി അറസ്‌റ്റില്‍
