ന്യൂഡെൽഹി: രോഗികളുടെ എണ്ണം കുറയുന്നത് രാജ്യത്ത് ആശ്വാസമാകുന്നതിനിടെ പുതിയ ആശങ്ക ഉയരുന്നു. മറ്റൊരു കോവിഡ് വകഭേദം കൂടി കണ്ടെത്തിയതായി ലോകാരോഗ്യ സംഘടന അറിയിച്ചു. യുകെയിലാണ് പുതിയ വകഭേദമായ എക്സ്ഇ റിപ്പോർട് ചെയ്തിരിക്കുന്നത്.
കൂടുതൽ വ്യാപനശേഷിയുള്ളതാണ് എക്സ്ഇ. ഒമൈക്രോണിനേക്കാൾ പത്ത് ശതമാനം കൂടുതൽ വ്യാപനശേഷി ഇതിനുണ്ടെന്ന് ലോകാരോഗ്യ സംഘടന അറിയിച്ചു. എക്സ്ഇ എന്നത് ബിഎ1, ബിഎ2 ഒമൈക്രോൺ സ്ട്രെയിനുകളിൽ മ്യൂട്ടേഷൻ സംഭവിച്ച് ഉണ്ടായിരിക്കുന്നതാണ്.
യുകെയിൽ കോവിഡ് വൈറസ് ബാധ റെക്കോർഡ് ലെവലിൽ എത്തിയിരുന്നു. കഴിഞ്ഞ ആഴ്ചയിൽ 4.9 ദശലക്ഷം പേർക്കാണ് കോവിഡ് ബാധിച്ചത്.
Most Read: തകർപ്പൻ ആക്ഷനുമായി ‘ബീസ്റ്റ്’; ട്രെയിലർ പുറത്തിറങ്ങി