ശങ്കർ സംവിധാനം ചെയ്യുന്ന പുതിയ ചിത്രത്തിൽ നായകനായി തെന്നിന്ത്യൻ സൂപ്പർതാരം രാംചരൺ. ഔദ്യോഗിക പ്രഖ്യാപനം ശങ്കറും, രാംചരണും ചേർന്ന് നിർവഹിച്ചു. രാംചരൺ നായകനായി എത്തുന്ന 15ആം ചിത്രമാണിത്. ചിത്രത്തിന്റെ ഷൂട്ടിംഗ് 2022ൽ ആരംഭിക്കുമെന്നാണ് അണിയറ പ്രവർത്തകർ വ്യക്‌തമാക്കുന്നത്‌. ചിത്രത്തിന്റെ ഔദ്യോഗിക പ്രഖ്യാപനം കഴിഞ്ഞതോടെ രണ്ട് ഇതിഹാസങ്ങൾ ഒരുമിക്കുകയാണെന്നാണ് ആരാധകർക്കിടയിൽ ചർച്ചയാകുന്നത്. അതിനാൽ തന്നെ മികച്ച ഒരു ചിത്രത്തിനായുള്ള കാത്തിരിപ്പിലാണ് ഇപ്പോൾ പ്രേക്ഷകർ.
Excited to be a part of Shankar Sir’s cinematic brilliance produced by Raju garu and Shirish garu.
Looking forward to #RC15 ! @shankarshanmugh @SVC_official #SVC50 pic.twitter.com/SpjOkqyAD4
— Ram Charan (@AlwaysRamCharan) February 12, 2021
ചിത്രത്തിൽ അണിനിരക്കുന്ന മറ്റ് താരങ്ങളെ കുറിച്ച് വ്യക്‌തമാക്കിയിട്ടില്ല. ദിൽ രാജുവാണ് ചിത്രത്തിന്റെ നിർമ്മാതാവ്. തങ്ങളുടെ നിർമ്മാണ രംഗത്തെ തന്നെ നാഴികക്കല്ലാകാൻ പോകുന്ന ചിത്രമാണിതെന്ന് ദിൽ രാജു വ്യക്‌തമാക്കി. പാൻ ഇന്ത്യ ചിത്രമായാണ് ഇത് പുറത്തിറങ്ങുന്നതെന്നും, രാംചരണും ശങ്കറും ഒന്നിക്കുന്നതിനാൽ തന്നെ പ്രേക്ഷകർ വലിയ പ്രതീക്ഷയിലാണെന്നും അദ്ദേഹം പറഞ്ഞു. കൂടാതെ ചിത്രത്തിലെ മറ്റ് താരങ്ങളെ കുറിച്ച് ഉടൻ തന്നെ വ്യക്‌തമാകുമെന്നും അദ്ദേഹം അറിയിച്ചു.
നിലവിൽ രാജമൗലി സംവിധാനം ചെയ്‌ത ആർആർആർ എന്ന ചിത്രത്തിന്റെ ലൊക്കേഷനിലാണ് രാംചരൺ. സ്വാതന്ത്ര്യത്തിന് മുൻപ് നടന്ന ഒരു സാങ്കൽപ്പിക കഥയാണ് ചിത്രം ചർച്ച ചെയ്യുന്നത്. ചിത്രത്തിൽ രാംചരണിനൊപ്പം ജൂനിയർ എൻടിആർ, ആലിയ ഭട്ട്, ഒലിവിയ മോറിസ് എന്നിവരും പ്രധാന കഥാപാത്രങ്ങളായി അണിനിരക്കുന്നുണ്ട്.
Read also : പടക്കനിർമാണ ശാലയിലെ സ്‍ഫോടനം; മരിച്ചവരുടെ എണ്ണം 19 ആയി
