ഡെൽഹി: കോവിഡ് വ്യാപനത്തിന്റെ പശ്ചാത്തലത്തിൽ ഡെൽഹിയിൽ രാത്രികാല കർഫ്യൂ ഏർപ്പെടുത്തി. രാത്രി 11 മുതൽ പുലർച്ചെ അഞ്ച് വരെയാണ് നിയന്ത്രണം. ഉത്തർപ്രദേശ്, മധ്യപ്രദേശ്, ഹരിയാന തുടങ്ങിയ സംസ്ഥാനങ്ങൾ നേരത്തെ തന്നെ രാത്രി കർഫ്യൂ ഏർപ്പെടുത്തിയിരുന്നു.
കഴിഞ്ഞ ദിവസങ്ങളായി തലസ്ഥാനത്ത് കോവിഡ് കേസുകൾ വർധിച്ചിരുന്നു. 290 പുതിയ കോവിഡ് കേസുകളും ഒരു മരണവുമാണ് ഞായറാഴ്ച ഡെൽഹിയിൽ റിപ്പോർട് ചെയ്തത്.
അതേസമയം ഒമൈക്രോൺ വ്യാപന സാഹചര്യത്തിൽ കേരളത്തിലും ആരോഗ്യ വകുപ്പ് അതീവ ജാഗ്രതാ മുന്നറിയിപ്പ് നൽകിയിട്ടുണ്ട്. കഴിഞ്ഞ ദിവസം 19 പേർക്ക് കൂടി സംസ്ഥാനത്ത് ഒമൈക്രോൺ സ്ഥിരീകരിച്ചിരുന്നു. വിദേശത്ത് നിന്നെത്തിയ 16 പേർക്കും സമ്പർക്കത്തിലൂടെ മൂന്നുപേർക്കുമാണ് ഒമൈക്രോൺ ബാധിച്ചത്. ഇതോടെ സംസ്ഥാനത്തെ ഒമൈക്രോൺ ബാധിതരുടെ എണ്ണം 57 ആയി. സംസ്ഥാനത്തെ വൈറസ് വ്യാപന സാഹചര്യം വിലയിരുത്താൻ ഇന്ന് മുഖ്യമന്ത്രിയുടെ അധ്യക്ഷതയിൽ യോഗം ചേരും.
Most Read: കിഴക്കമ്പലം സംഘർഷം; 24 പേരുടെ അറസ്റ്റ് രേഖപ്പെടുത്തി