ബെംഗളൂരു: ഒമൈക്രോൺ ആശങ്കകൾക്കിടയിൽ രാത്രി കർഫ്യൂ പ്രഖ്യാപിച്ച് കർണാടക. പുതുവർഷ ആഘോഷങ്ങൾക്കും കൂട്ടം കൂടുന്നതിനും കർശന നിയന്ത്രണം ഏർപ്പെടുത്തിയിട്ടുണ്ട്.
എംജി റോഡ്, ബ്രിഗേഡ് റോഡുകളിൽ ആഘോഷങ്ങൾ അനുവദിക്കില്ലെന്ന് ബെംഗളൂരു പോലീസ് അറിയിച്ചു. കോവിഡ് സാഹചര്യത്തിൽ കഴിഞ്ഞവർഷവും ഇവിടങ്ങളിൽ ആഘോഷങ്ങൾ അനുവദിച്ചിരുന്നില്ല.
പുതുവർഷ ആഘോഷത്തിനായി പൊതുപരിപാടികൾ നടത്തില്ലെന്നും അധികൃതർ വ്യക്തമാക്കി. അതേസമയം മുൻകൂട്ടി ബുക്ക് ചെയ്ത ഹോട്ടലുകൾ, ക്ളബ്ബുകൾ, പബ്ബുകൾ എന്നിവടങ്ങളിൽ സന്ദർശനം അനുവദിക്കുമെന്ന് പോലീസ് അറിയിച്ചു.
സംസ്ഥാനത്തെ ഒമൈക്രോൺ വ്യാപനം നിയന്ത്രിക്കുന്നതിനുള്ള നടപടികളെ കുറിച്ച് ചർച്ച ചെയ്യാൻ കർണാടക മുഖ്യമന്ത്രി ബസവരാജ് ബൊമ്മൈ ഇന്ന് യോഗം ചേരും.
രാജ്യത്ത് ഇതുവരെ 422 ഒമൈക്രോൺ കേസുകളാണ് സ്ഥിരീകരിച്ചത്.
Most Read: ബൂസ്റ്റർ ഡോസ് തീരുമാനം തന്റെ നിർദ്ദേശമെന്ന് രാഹുൽ ഗാന്ധി