ന്യൂഡെൽഹി: അന്താരാഷ്ട്ര പരിസ്ഥിതി പ്രവര്ത്തക ഗ്രെറ്റ തൻബെർഗുമായി ബന്ധപ്പെട്ട ‘ടൂള്കിറ്റ്’ കേസിൽ അഭിഭാഷകയും പരിസ്ഥിതി പ്രവർത്തകയുമായ നികിത ജേക്കബ് ഡെൽഹി പട്ട്യാല ഹൗസ് കോടതിയിൽ മുൻകൂർ ജാമ്യാപേക്ഷ സമർപ്പിച്ചു. നാളെയാണ് കോടതി ജാമ്യാപേക്ഷ പരിഗണിക്കുന്നത്. നിലവിൽ മഹാരാഷ്ട്ര ഹൈക്കോടതിയിൽ നിന്ന് ലഭിച്ച ട്രാൻസിറ്റ് ജാമ്യം അവസാനിക്കുന്നതിന്റെ ഭാഗമായാണ് നികിത ഡെൽഹി കോടതിയെ സമീപിച്ചിരിക്കുന്നത്.
അതേസമയം, ടൂൾ കിറ്റ് കേസിൽ അറസ്റ്റിലായിരുന്ന ആക്ടിവിസ്റ്റ് ദിഷാ രവിക്ക് കഴിഞ്ഞ മാസം 23ന് പട്യാല ഹൗസ് കോടതി ജാമ്യം അനുവദിച്ചിരുന്നു. അഡീഷണൽ സെഷൻസ് ജഡ്ജി ധർമേന്ദർ റാണയാണ് ദിഷക്ക് ജാമ്യം അനുവദിച്ചത്. ദിഷക്കെതിരായ തെളിവുകളില് വ്യക്തതയില്ലെന്നും അഹങ്കാരത്തിന് പോറലേല്ക്കുന്നതിന് രാജ്യദ്രോഹം ചുമത്താനാകില്ലെന്നും കോടതി നിരീക്ഷിച്ചിരുന്നു.
Read also: ഇരയെ വിവാഹം കഴിക്കാമോ? പോക്സോ കേസ് പ്രതിയോട് സുപ്രീം കോടതി