ലഖ്നൗ: ബലാൽസംഗ പരാതിയിൽ പോലീസ് കേസെടുത്തില്ലെന്ന് ആരോപിച്ച് യുപിയിൽ യുവതി ആത്മഹത്യക്ക് ശ്രമിച്ചു. തക്കസമയത്ത് പോലീസ് ഇടപെട്ടതിനാൽ ദുരന്തം ഒഴിവായി.
ബുധനാഴ്ച യുപി നിയമസഭാ സമുച്ചയത്തിലെ അഞ്ചാം ഗേറ്റിന് സമീപമാണ് യുവതി ദേഹത്ത് മണ്ണെണ്ണ ഒഴിച്ച തീ കൊളുത്താൻ ശ്രമിച്ചത്. സുൽത്താൻപൂർ സ്വദേശിയായ ഇവർ അടുത്തിടെ പോലീസിൽ ബലാൽസംഗ പരാതി നൽകിയിരുന്നു. എന്നാൽ, എഫ്ഐആർ രജിസ്റ്റർ ചെയ്യാൻ പോലും പോലീസ് തയാറായില്ല എന്നാണ് യുവതി പറയുന്നത്. ഇതേ തുടർന്നായിരുന്നു ആത്മഹത്യ ശ്രമം.
യുവതി തീ കൊളുത്താൻ ശ്രമിച്ചതും പോലീസെത്തി തടഞ്ഞുവെന്നും അല്ലെങ്കിൽ ദുരന്തം സംഭവിക്കുമായിരുന്നു എന്നും പോലീസ് കമ്മീഷണർ ഡികെ താക്കൂർ പറഞ്ഞു.
Also Read: കർഷകസമരം വകവെക്കാതെ കേന്ദ്രം; പ്രതിഷേധം ശക്തമാക്കി സംഘടനകൾ