തിരുവനന്തപുരം: ഹെഡ് കോൺസ്‌റ്റബിൾ പരീക്ഷ പാസാകാതെ സ്‌ഥാനക്കയറ്റം നേടിയ പോലീസ് അസോസിയേഷൻ നേതാവ് ഉൾപ്പടെ 40 ഉദ്യോഗസ്‌ഥരെ പരിശീലനത്തിന് അയക്കും. എസ്‌ഐമാരായി സ്‌ഥാനക്കയറ്റം നേടിയവരെയാണ് പോലീസ് അക്കാദമിയിൽ മൂന്നുമാസത്തെ പരിശീലനത്തിന് അയക്കുന്നത്. ഇവർക്ക് സ്‌ഥാനക്കയറ്റം നൽകിയത് രാഷ്‌ട്രീയ പ്രേരണയിലാണെന്ന് ആരോപണം ഉയർന്നിരുന്നു.
എആർ ക്യാമ്പിൽ നിന്നും ലോക്കൽ പോലീസിലേക്ക് മാറ്റംനേടുന്ന ഉദ്യോഗസ്‌ഥർ ഹെഡ്കോൺസ്‌റ്റബിൾ പരീക്ഷ പാസാകുകയോ പോലീസ് അക്കാദമിയിൽ മൂന്നുമാസത്തെ പരിശീലനം നേടുകയോ ചെയ്യണം. ഇത് പാലിക്കാത്തവർക്ക് പരിശീലനം നൽകാൻ കോടതി നിർദേശിച്ചിരുന്നു. മാനദണ്ഡങ്ങൾ പാലിക്കാതെ സ്‌ഥാനക്കയറ്റം നൽകിയെന്ന ഹരജിയിലാണ് അഡ്‌മിനിസ്‌ട്രേറ്റീവ് ട്രിബ്യൂണലിന്റെ ഉത്തരവ്.
Read Also: ഉത്തരാഖണ്ഡിൽ എല്ലാ മാദ്ധ്യമ പ്രവർത്തകർക്കും കോവിഡ് വാക്‌സിൻ
