ന്യൂഡെല്ഹി: മുന് ദേശീയ ജൂനിയര് ഗുസ്തി ചാമ്പ്യന് സാഗര് റാണയുടെ കൊലപാതക കേസിൽ അറസ്റ്റിലായ ഒളിമ്പിക് മെഡല് ജേതാവ് സുശീല് കുമാറിനെ ആറു ദിവസത്തേക്ക് റിമാന്ഡ് ചെയ്തു. സുശീലിനെ 12 ദിവസത്തേക്ക് റിമാന്ഡ് ചെയ്യണമെന്ന് ആയിരുന്നു ഡെല്ഹി പൊലീസ് കോടതിയിൽ ആവശ്യപ്പെട്ടത്. എന്നാൽ ആറു ദിവസത്തേക്ക് റിമാന്ഡില് വിടാനാണ് കോടതി ഉത്തരവിട്ടിരിക്കുന്നത്.
മുന് ദേശീയ ജൂനിയര് ഗുസ്തി ചാമ്പ്യനായ 23കാരൻ സാഗര് റാണയെ മര്ദ്ദിച്ച് കൊലപ്പെടുത്തിയെന്നാണ് കേസ്. മറ്റു ഗുസ്തിക്കാര്ക്ക് മുന്നില് മോശമായി പെരുമാറിയതിന് സുശീല് കുമാറും കൂട്ടാളികളും മോഡല് ടൗണിലെ വീട്ടില് നിന്നും സാഗറിനെ പിടിച്ചു കൊണ്ടുവന്ന് മർദ്ദിച്ച് കൊലപ്പെടുത്തിയെന്നാണ് പോലീസിന് ലഭിച്ച മൊഴി.
സുശീല് കുമാറിനെതിരെ കൊലപാതകം, തട്ടിക്കൊണ്ടുപോകല്, ഗൂഢാലോചന എന്നീ കുറ്റങ്ങളാണ് ചുമത്തിയിരിക്കുന്നത്.
Read also: യാസ് ചുഴലിക്കാറ്റിനെ നേരിടാനൊരുങ്ങി സംസ്ഥാനങ്ങൾ; ഒഴിപ്പിക്കൽ നടപടികൾ തുടരുന്നു