തൃശൂർ: ഗുരുവായൂർ ക്ഷേത്രത്തിൽ ബോംബ് വച്ചിട്ടുണ്ടെന്ന വ്യാജ സന്ദേശത്തിന് പിന്നിലുള്ള പ്രതിയെ അറസ്‌റ്റ് ചെയ്‌തു. ഗുരുവായൂർ നെൻമിനിയിൽ താമസിക്കുന്ന സജീവൻ കോളിപ്പറമ്പിൽ എന്നയാളാണ് വ്യാജ ഫോൺ സന്ദേശം പ്രചരിപ്പിച്ചത്. പ്രതിയെ തിരിച്ചറിഞ്ഞ ഉടൻ പോലീസ് ഇയാളെ അറസ്‌റ്റ് ചെയ്യുകയായിരുന്നു.
ശനിയാഴ്‌ച രാത്രി 9 മണിയോടെയാണ് തിരുവനന്തപുരം പോലീസ് കൺട്രോൾ സെല്ലിലേക്ക് വ്യാജ സന്ദേശമെത്തിയത്. തുടർന്ന് ക്ഷേത്രത്തിൽ എത്തിയ പോലീസ് സംഘം ഭക്‌തരെ ക്ഷേത്രത്തിൽ നിന്നും ഒഴിപ്പിച്ചു. എന്നാൽ പിന്നീട് നടത്തിയ അന്വേഷണത്തിൽ ഇത് വ്യാജ സന്ദേശമാണെന്ന് തിരിച്ചറിയുകയായിരുന്നു. കളക്‌ടറേറ്റിൽ ബോംബ് വച്ചിട്ടുണ്ടെന്ന് വിളിച്ചു പറഞ്ഞതിന്റെ പേരിൽ നേരത്തേ തൃശൂർ വെസ്‌റ്റ് പോലീസ് സ്‌റ്റേഷനിൽ ഇയാൾക്കെതിരെ കേസുണ്ടായിരുന്നെന്ന് പോലീസ് വ്യക്‌തമാക്കി.
Read also: തൃശൂരിൽ അച്ഛനെയും അമ്മയെയും മകൻ വെട്ടിക്കൊന്നു; പ്രതി ഒളിവിൽ
