തിരുവനന്തപുരം: ജില്ലയിലെ വർക്കലയിൽ നിന്നും 4 കിലോ കഞ്ചാവുമായി യുവാവ് അറസ്‌റ്റിൽ. കോവളം സ്വദേശി വിഷ്‌ണു(22) ആണ് അറസ്‌റ്റിലായത്‌. വർക്കല എക്‌സൈസ്‌ റേഞ്ച് ഇൻസ്‌പെക്‌ടറുടെ നേതൃത്വത്തിൽ നടത്തിയ പരിശോധനയിലാണ് കഞ്ചാവ് പിടികൂടിയത്.
വർക്കല തിരുവമ്പാടിയിലെ കേരള സർക്കാർ അക്വാറിയത്തിന് മുൻവശത്ത് നിന്നുമാണ് പ്രതിയെ കഞ്ചാവുമായി പോലീസ് പിടികൂടിയത്. ഇയാൾ നിരവധി ക്രിമിനൽ കേസുകളിൽ പ്രതിയാണെന്നും പോലീസ് വ്യക്‌തമാക്കി.
വിദേശികളെ കേന്ദ്രീകരിച്ച് ഈ മേഖലകളിൽ കഞ്ചാവ് വിൽപന സജീവമാണെന്നും, കഴിഞ്ഞ ദിവസങ്ങളിലും ഇവിടെ നിന്നും ലഹരി വസ്‌തുക്കൾ പിടികൂടിയെന്നും പോലീസ് അറിയിച്ചു. പോലീസ് എക്‌സൈസ്‌ വകുപ്പുകൾ സംയുക്‌തമായി മേഖലയിൽ പരിശോധന നടത്താറുണ്ട്.
Read also: മിഡിൽ ഈസ്‌റ്റിലെ മികച്ച എയർപോർട്ട് അവാർഡ് നേടി ഷാർജ വിമാനത്താവളം
