മസ്കറ്റ്: കഴിഞ്ഞ 24 മണിക്കൂറിനിടെ ഒമാനിലെ വിവിധ ആശുപത്രികളിൽ പ്രവേശിപ്പിച്ചത് മൂന്ന് കോവിഡ് രോഗികളെ മാത്രം. ഇവര് ഉള്പ്പടെ ആകെ 20 രോഗബാധിതരാണ് ഇപ്പോൾ ചികിൽസയിലുള്ളത്. ഇതില് 10 പേരുടെ നില ഗുരുതരമാണെന്ന് ആരോഗ്യ വകുപ്പ് അറിയിച്ചു.
നിലവില് 526 കോവിഡ് രോഗികള് മാത്രമാണ് രാജ്യത്തുള്ളത്. രാജ്യത്ത് 24 മണിക്കൂറിനിടെ പുതിയതായി കോവിഡ് വൈറസ് ബാധ സ്ഥിരീകരിച്ചത് 12 പേര്ക്ക് മാത്രമാണെന്നും ആരോഗ്യ മന്ത്രാലയം അറിയിച്ചു.
ചികിൽസയിലായിരുന്ന 10 പേര് കൂടി രോഗമുക്തി നേടിയപ്പോൾ ഒരു കോവിഡ് മരണവും റിപ്പോർട് ചെയ്തിട്ടുണ്ട്.
രാജ്യത്ത് ആകെ 3,04,066 പേര്ക്കാണ് ഇതുവരെ കോവിഡ് വൈറസ് ബാധ സ്ഥിരീകരിച്ചത്. ഇവരില് 2,99,434 പേരാണ് ഇതിനോടകം രോഗമുക്തി നേടിയത്. അതേസമയം 4106 പേര്ക്ക് കോവിഡ് മൂലം ജീവന് നഷ്ടമായി.
Most Read: കനത്ത മഴ; പിഎസ്സി പരീക്ഷകള് മാറ്റി