തിരുവനന്തപുരം: നിയമസഭാ തിരഞ്ഞെടുപ്പിന് മുന്നോടിയായി മുഖ്യമന്ത്രി പിണറായി വിജയന്‍ നടത്തുന്ന കേരള പര്യടനം ഇന്ന് മുതല്‍ ആരംഭിക്കുന്നു. രാവിലെ കൊല്ലത്തും വൈകിട്ട് പത്തനംതിട്ടയിലുമായാണ് ആദ്യദിന പര്യടനം നടക്കുന്നത്. സാമൂഹ്യ, സാംസ്‌കാരിക രംഗങ്ങളിലേതടക്കമുള്ള പ്രമുഖരുമായി കൂടിക്കാഴ്‌ച്ചയാണ് പര്യടനത്തിലൂടെ നടത്തുന്നത്.
തദ്ദേശ തിരഞ്ഞെടുപ്പിലെ മികച്ച വിജയത്തിന് പിന്നാലെയാണ് കേരളപര്യടനം പ്രഖ്യാപിച്ചത്. എല്‍ഡിഎഫിന്റെ നേതൃത്വത്തില്‍ നടക്കുന്ന പര്യടനം ഈ മാസം 30ന് അവസാനിക്കും. പ്രമുഖരുമായുള്ള കൂടിക്കാഴ്‌ച്ചകളില്‍ ലഭിക്കുന്ന നിര്‍ദേശങ്ങളും ആശയങ്ങളും പരിഗണിച്ചാവും നിയമസഭാ തിരഞ്ഞെടുപ്പിലേക്കുള്ള എല്‍ഡിഎഫിന്റെ പ്രകടനപത്രിക തയാറാക്കുക. 2016ലെ നിയമസഭാ തിരഞ്ഞെടുപ്പിന് മുന്നോടിയായും പിണറായി വിജയന്‍ സമാനമായ യാത്ര നടത്തി പ്രമുഖരുമായി സംവദിച്ചിരുന്നു.
