കൊച്ചി: മകൾ അലംകൃതയുടെ പേരിലുള്ള ഇസ്റ്റഗ്രാം അക്കൗണ്ട് വ്യാജമാണെന്ന് പൃഥ്വിരാജും സുപ്രിയാ മേനോനും. ആറുവയസുകാരിക്ക് സോഷ്യൽ മീഡിയാ അക്കൗണ്ട് വേണമെന്ന് കരുതുന്നില്ലെന്നും ആ അക്കൗണ്ട് മകളുടേതല്ലെന്നും പൃഥ്വിരാജ് വ്യക്തമാക്കി.
‘ഈ വ്യാജ അക്കൗണ്ടിലേക്ക് നിങ്ങളുടെ ശ്രദ്ധ ക്ഷണിക്കാൻ ഞാൻ ആഗ്രഹിക്കുന്നു. ഇത് ഞങ്ങൾ നിയന്ത്രിക്കുന്ന പേജല്ല. ഞങ്ങളുടെ ആറ് വയസുള്ള മകൾക്ക് ഒരു സോഷ്യൽ മീഡിയ അക്കൗണ്ട് ആവശ്യമാണെന്ന് ഞങ്ങൾ കരുതുന്നില്ല. പ്രായമാവുമ്പോൾ അവൾക്ക് അതിനെക്കുറിച്ച് തീരുമാനിക്കാം. അതിനാൽ ദയവായി ഇതിന് ഇരയാവരുത്,’- പൃഥിരാജും സുപ്രിയയും തങ്ങളുടെ ഇസ്റ്റഗ്രാം അക്കൗണ്ടിൽ കുറിച്ചു.
‘അല്ലി പൃഥ്വിരാജ്’ എന്ന പേരിലാണ് വ്യാജ ഇസ്റ്റഗ്രാം അക്കൗണ്ട് ഉണ്ടാക്കിയിരിക്കുന്നത്. പൃഥ്വിരാജും സുപ്രിയയുമാണ് അക്കൗണ്ട് കൈകാര്യം ചെയ്യുന്നതെന്നും ബയോയിൽ പറയുന്നുണ്ട്.
Also Read: ‘ദി ഗ്രേറ്റ് ഇന്ത്യന് കിച്ചണ്’; അടുക്കളയില് നിന്നിതാ അടുത്ത പോസ്റ്റര്