ന്യൂഡെൽഹി: ഉൽപാദന ചിലവ് വർധിക്കുന്ന സാഹചര്യത്തിൽ അടുത്ത മാസം മുതൽ കാറുകളുടെ വില വർധിപ്പിക്കുമെന്ന് രാജ്യത്തെ ഏറ്റവും വലിയ കാർ നിർമാണ കമ്പനിയായ മാരുതി സുസുക്കി ഇന്ത്യ തിങ്കളാഴ്‌ച അറിയിച്ചു. കഴിഞ്ഞ ഒരു വർഷമായി നിർമാണ ചിലവുകൾ വർധിക്കുന്നത് പ്രതികൂലമായി ബാധിച്ചു കൊണ്ടിരിക്കുകയാണ്. അതിനാലാണ് വാഹനങ്ങളുടെ വില കൂട്ടാനുള്ള നടപടികൾ ആലോചിക്കുന്നതെന്ന് കമ്പനി അറിയിച്ചു.
അടുത്ത മാസം മുതൽ പുതുക്കിയ നിരക്കുകൾ പ്രാബല്യത്തിൽ വരും. നിലവിൽ എൻട്രി ലെവൽ ഹാച്ച്ബാക്കായ ആൾട്ടോ മുതൽ എസ്-ക്രോസ് വരെയുള്ള മോഡലുകളാണ് ഇന്ത്യയിൽ പ്രധാനമായും കമ്പനി വിൽക്കുന്നത്. കഴിഞ്ഞ പാദത്തിലും രാജ്യത്ത് ഏറ്റവും കൂടുതൽ വിറ്റഴിച്ച കാറുകളുടെ പട്ടികയിൽ ഭൂരിഭാഗവും മാരുതി സുസുക്കിയുടെ മോഡലുകളാണ് ഇടംപിടിച്ചത്.
Read Also: പ്രഭാസിന്റെ ‘രാധേ ശ്യാം’; പ്രണയാർദ്രമായ പുതിയ പോസ്‌റ്റര്‍ പുറത്ത്
