മലപ്പുറം: ജില്ലയിലെ വഴിക്കടവ് കമ്പളകല്ല് സ്വദേശി പുത്തൻപുരക്കൽ സലീമിനെ (40) കാരക്കോടൻ പുഴയിൽ പഞ്ചായത്ത് അങ്ങാടി മുക്രൻ പൊട്ടി നടപ്പാലത്തിനു മുകൾഭാഗത്തായി വെള്ളത്തിൽ വീണ് മരിച്ചനിലയിൽ കണ്ടത്തി.
വഴിക്കടവ് എസ്‌ഐയുടെ നേതൃത്വത്തിൽ പോലീസ് സ്‌ഥലത്തെത്തി. നട്ടുകാരുടെ സഹായത്തോടെ മൃതദേഹം കരക്കെത്തിക്കുകയും നിലമ്പൂർ ജില്ലാ ആശുപത്രി മോർച്ചറിയിലേക്ക് മാറ്റുകയും ചെയ്‌തു. കോവിഡ് പരിശോധനക്കുള്ള നടപടികൾ ആരംഭിച്ചിട്ടുണ്ട്. ഇതിന്റെ റിപ്പോർട്ട് വന്നതിന് ശേഷം മാത്രമേ പോസ്‌റ്റ്‌മോർട്ടം നടപടികളിലേക്ക് പ്രവേശിക്കാൻ സാധിക്കു; പോലീസ് ഉദ്യോഗസ്‌ഥർ പറഞ്ഞു.
ഇയാൾ കാലുതെന്നി പുഴയിൽ വീഴുകയും കാലുകളിൽ വള്ളിപ്പടർപ്പുകൾ ചുറ്റുകയും ചെയ്‌തതിനാൽ കരയിലേക്ക് കയറാൻ പറ്റാതെ പോയതിനാലാകാം മരണം സംഭവിച്ചത് എന്നാണ് പ്രാഥമിക നിഗമനം. മറ്റു സാധ്യതകളും തുടരന്വേഷണവും പോസ്‌റ്റ്‌മോർട്ടം നടപടികൾ പൂർത്തീകരിച്ച ശേഷം നടക്കും; പോലീസ് വ്യക്‌തമാക്കി. ഭാര്യ: സാഹിറ, മുഹമ്മദ് ഷാഹിൽ (8), ഷെഹല (5) എന്നിവർ മക്കളാണ്. ഉമ്മ ആമിന.
Most Read: മരുന്നുകൾ ലഭിക്കാതെ അർബുദ, വൃക്ക രോഗികൾ വലയുന്നു
