ന്യൂഡെല്‍ഹി: രാജ്യത്തെ കോവിഡ് മരണങ്ങളെ ഓർമിച്ച് പ്രധാനമന്ത്രി നടത്തിയ പ്രസംഗത്തിൽ പ്രതികരിച്ച് കോണ്‍ഗ്രസ് നേതാവ് രാഹുല്‍ ഗാന്ധി. മോദിയുടെ കരച്ചില്‍ മുതലക്കണ്ണീർ ആയിരുന്നുവെന്ന് വിമര്‍ശനങ്ങള്‍ ഉയരുന്ന സാഹചര്യത്തിൽ ഒരു മുതലയുടെ ചിത്രം തന്റെ ഇന്‍സ്‌റ്റഗ്രാം അക്കൗണ്ടിലൂടെ പങ്കുവച്ചു കൊണ്ടായിരുന്നു രാഹുലിന്റെ പ്രതികരണം.
‘മുതലകള്‍ നിഷ്‌കളങ്കരാണ്’ എന്ന ക്യാപ്ഷനും രാഹുല്‍ ഗാന്ധി പോസ്‌റ്റിൽ ചേർത്തിട്ടുണ്ട്. മോദിയുടെ കരച്ചിലിന് ഇതിലും വലിയ ട്രോള്‍ കിട്ടാനില്ലെന്നാണ് പോസ്‌റ്റിന് താഴെ വരുന്ന പ്രതികരണങ്ങൾ. മോദിയുടെ കരച്ചിലിനെ വിമര്‍ശിച്ചു കൊണ്ട് മുതിർന്ന അഭിഭാഷകൻ പ്രശാന്ത് ഭൂഷണും രംഗത്തുവന്നിരുന്നു. മുതലക്കണ്ണീരിനെ കുറിച്ച് നിങ്ങള്‍ക്ക് അറിയില്ലെങ്കില്‍, ഇവിടെ കാണാം എന്നാണ് പ്രധാനമന്ത്രിയുടെ പ്രസംഗം പങ്കുവെച്ചു കൊണ്ട് ഭൂഷണ്‍ ട്വീറ്റ് ചെയ്‌തത്‌.
Read also: വ്യാജ പ്രചാരണങ്ങൾ; ബാബ രാംദേവിന് എതിരെ നിയമ നടപടി സ്വീകരിക്കണമെന്ന് ഐഎംഎ
