പത്തനംതിട്ട: പാലക്കാട് ഉപതിരഞ്ഞെടുപ്പിലെ യുഡിഎഫ് സ്‌ഥാനാർഥി രാഹുൽ മാങ്കൂട്ടത്തിലിന്റെ പ്രചാരണ വീഡിയോ പത്തനംതിട്ട സിപിഎമ്മിന്റെ ഫേസ്ബുക്ക് പേജിൽ. ‘പാലക്കാട് എന്ന സ്‌നേഹ വിസ്‌മയം’ എന്ന അടിക്കുറിപ്പോടെയാണ്‌ രാഹുലിന്റെ പ്രചാരണ വീഡിയോ ഫേസ്ബുക്കിൽ പ്രത്യക്ഷപ്പെട്ടത്.
അബദ്ധം മനസിലായതോടെ 63,000 ഫോളോവേഴ്‌സുള്ള പേജിൽ നിന്ന് വീഡിയോ രാത്രി തന്നെ നീക്കി. സംഭവത്തിൽ വിശദീകരണവുമായി സിപിഎം പത്തനംതിട്ട ജില്ലാ നേതൃത്വം രംഗത്തെത്തി. ഇത് ഔദ്യോഗിക ഫേസ്ബുക്ക് പേജ് അല്ലെന്ന് ജില്ലാ സെക്രട്ടറി കെപി ഉദയഭാനു വ്യക്‌തമാക്കി. സിപിഎമ്മിന്റെ പേരിലുള്ള വ്യാജ അക്കൗണ്ടാണെന്നും അദ്ദേഹം പറഞ്ഞു.
എന്നാൽ,പത്തനംതിട്ട സിപിഎമ്മിൽ വിഭാഗീയത ഉണ്ടെന്ന് രാഹുൽ മാങ്കൂട്ടത്തിൽ പറഞ്ഞു. സിപിഎം പ്രവർത്തകർക്കിടയിൽ നേതൃവിരുദ്ധ തരംഗം ശക്‌തമാണ്. ഫേസ്ബുക്ക് പോസ്‌റ്റ് അതിന്റെ തെളിവാണെന്നും അത് വ്യാജ അക്കൗണ്ട് അല്ലെന്നും രാഹുൽ പ്രതികരിച്ചു. പത്തനംതിട്ട സ്വദേശിയാണ് രാഹുൽ മാങ്കൂട്ടത്തിൽ.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
