ന്യൂഡെല്ഹി: ത്രിപുരയില് മുസ്ലിങ്ങള്ക്ക് നേരെ തീവ്ര ഹിന്ദുത്വ സംഘങ്ങള് നടത്തുന്ന ആക്രമണത്തിൽ പ്രതികരിച്ച് കോണ്ഗ്രസ് നേതാവ് രാഹുല് ഗാന്ധി. ഹിന്ദുക്കളുടെ പേരില് വിദ്വേഷം പ്രചരിപ്പിക്കുന്നവരും അക്രമവും നടത്തുന്നവരും ഹിന്ദുക്കളല്ലെന്ന് രാഹുല് ഗാന്ധി പറഞ്ഞു.
“നമ്മുടെ മുസ്ലിം സഹോദരങ്ങള്ക്ക് നേരെ ത്രിപുരയില് ക്രൂരത കാണിക്കുകയാണ്. ഹിന്ദുക്കളുടെ പേരില് വിദ്വേഷം പ്രചരിപ്പിക്കുന്നവരും അക്രമവും നടത്തുന്നവരും ഹിന്ദുക്കളല്ല, കപട വിശ്വാസികളാണ്. എത്രനാള് സര്ക്കാര് അന്ധനും ബധിരനുമാണെന്ന് നടിച്ചുകൊണ്ടേയിരിക്കും?”- രാഹുല് ചോദിച്ചു.
വിഎച്ച്പി പ്രവർത്തകർ നടത്തിയ റാലിക്കിടെ ത്രിപുരയിൽ മുസ്ലിം പള്ളിക്ക് നേരെ ആക്രമണം നടന്നതായി റിപ്പോര്ട് ഉണ്ടായിരുന്നു. ബംഗ്ളാദേശില് ഹിന്ദുക്കള്ക്കെതിരെ ആക്രമണം നടക്കുന്നതില് പ്രതിഷേധിച്ചായിരുന്നു റാലി.
Read also: മോൻസൺ മാവുങ്കൽ തട്ടിപ്പ് കേസ്; അന്വേഷണ റിപ്പോർട് ഇഡിയ്ക്ക് കൈമാറി