രൺബീര് കപൂർ നായകനായി എത്തുന്ന പീരിഡ് ചിത്രം ശംഷേരയുടെ ട്രെയ്ലർ ശ്രദ്ധ നേടുന്നു. കരൺ മൽഹോത്ര സംവിധാനം ചെയ്യുന്ന ചിത്രത്തിൽ കൊള്ളക്കാരനായാണ് രൺബീർ എത്തുന്നത്. സഞ്ജയ് ദത്ത് ആണ് വില്ലൻ.
150 കോടി മുതല് മുടക്കിലൊരുങ്ങുന്ന ചിത്രം നിർമിക്കുന്നത് യാഷ് രാജ് ആണ്. 1800കളിൽ ബ്രിട്ടീഷ് ഭരണത്തിനെതിരെ പോരാടിയ കൊള്ള സംഘത്തിന്റെ കഥയാണ് ചിത്രം പറയുന്നത്.
ചിത്രത്തിൽ ഇരട്ടവേഷത്തിലാകും രൺബീർ പ്രത്യക്ഷപ്പെടുക. വാണി കപൂർ, അശുതോഷ് റാണ, റോണിത് റോയ്, സൗരഭ് ശുക്ള തുടങ്ങിയവരാണ് മറ്റ് താരങ്ങൾ.
തമിഴ്, തെലുങ്ക്, കന്നഡ ഭാഷകളിലും ചിത്രം ഡബ്ബ് ചെയ്തെത്തുന്നുണ്ട്. ഐ മാക്സ് ഫോർമാറ്റിലും ചിത്രം റിലീസ് ചെയ്യും. ജൂലൈ 22ന് ‘ശംഷേര’ തിയേറ്ററുകളിലെത്തും.
Most Read: 3 മാസത്തിൽ താഴെയുള്ള കുട്ടികളെ അഭിനയിപ്പിക്കരുത്; മാര്ഗ നിര്ദ്ദേശങ്ങള് പുറത്ത്