ന്യൂഡെൽഹി: രാജ്യത്തെ റിയല്‍ എസ്‌റ്റേറ്റ് മേഖലയ്‌ക്ക്‌ ഉണര്‍വേകി വീട് വില്‍പന കുത്തനെ ഉയര്‍ന്നു. മാര്‍ച്ച് പാദത്തിലെ ത്രൈമാസ ഭവന വില്‍പന 2015ന് ശേഷമുള്ള ഏറ്റവും ഉയര്‍ന്ന നിലയിലാണ് ഇപ്പോഴുള്ളത്. ഏഴ് മുന്‍നിര നഗരങ്ങളിലായി കഴിഞ്ഞ പാദത്തില്‍ 99,550 യൂണിറ്റുകളാണ് വിറ്റഴിച്ചത്. കഴിഞ്ഞ വര്‍ഷത്തെ ഇതേ കാലയളവിലെ 58,290 യൂണിറ്റുകളുടെ വില്‍പനയെ അപേക്ഷിച്ച് 71 ശതമാനം വര്‍ധനവാണിതിൽ രേഖപ്പെടുത്തിയത്.
കൊല്‍ക്കത്ത, ചെന്നൈ, ഹൈദരാബാദ്, പൂനെ, ബെംഗളൂരു, മുംബൈ മെട്രോപൊളിറ്റന്‍ റീജിയണ്‍ (എംഎംആര്‍), ഡെൽഹി നാഷണല്‍ ക്യാപിറ്റല്‍ റീജിയണ്‍ (എന്‍സിആര്‍) എന്നീ ഏഴ് നഗരങ്ങളിലെ വീട് വില്‍പനയാണ് കുത്തനെ ഉയര്‍ന്നത്. റിയല്‍ എസ്‌റ്റേറ്റ് കണ്‍സള്‍ട്ടിംഗ് സ്‌ഥാപനമായ അനാറോക്കാണ് ഇതുസംബന്ധിച്ച റിപ്പോര്‍ട് പുറത്തുവിട്ടത്.
നഗരങ്ങളില്‍ മുംബൈ മെട്രോപൊളിറ്റന്‍ റീജിയണ്‍ (എംഎംആര്‍), ഡെൽഹി നാഷണല്‍ ക്യാപിറ്റല്‍ റീജിയണ്‍ (എന്‍സിആര്‍) എന്നിവിടങ്ങളിൽ അൽഭുതകരമായ കുതിച്ചു ചാട്ടം വിൽപനയിൽ രേഖപ്പെടുത്തി. മൊത്തം വിൽപനയുടെ 48 ശതമാനവും ഈ രണ്ട് മേഖലകളിൽ നിന്നാണ്. കോവിഡ് കുറഞ്ഞതോടെയാണ് റിയൽ എസ്‌റ്റേറ്റ് മേഖല തിരിച്ചുവരവിന്റെ ലക്ഷണങ്ങൾ കാണിക്കുന്നത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
