എറണാകുളം: കേരളത്തിൽ വരാനിരിക്കുന്ന ഈസ്റ്റർ-വിഷു ആഘോഷങ്ങളുടെ തിരക്ക് കണക്കിലെടുത്ത് സ്പെഷ്യൽ സർവീസുകളുമായി കർണാടക ആർടിസി. ഇതിന്റെ ഭാഗമായി 13ആം തീയതി 7 സർവീസുകളാണ് എറണാകുളത്തേക്ക് നടത്തുന്നത്. ഇതിൽ ഒരു സർവീസ് മൈസൂരിൽ നിന്നും ബാക്കിയുള്ള 6 എണ്ണം ബെംഗളൂരുവിൽ നിന്നുമാണ്.
ബെംഗളൂരുവിൽ നിന്നും എറണാകുളത്തേക്ക് നടത്തുന്ന സർവീസുകളിൽ ഇനി 19 സീറ്റുകളാണ് ബാക്കിയുള്ളത്. കണ്ണൂർ-4, കോട്ടയം-4, കോഴിക്കോട്-1, പാലക്കാട്-2, തൃശൂർ-3, തിരുവനന്തപുരം-1, വടകര-1 എന്നിങ്ങനെയും സ്പെഷ്യൽ സർവീസുകൾ ഉണ്ടാകുമെന്ന് കർണാടക ആർടിസി അധികൃതർ വ്യക്തമാക്കി.
കേരളത്തിൽ നിന്നും കർണാടകയിലേക്ക് മടങ്ങുന്നതിനും സ്പെഷ്യൽ സർവീസുകൾ ഉണ്ടാകും. 17, 18 തീയതികളിലാണ് മടക്ക സർവീസുകൾ ഉണ്ടാകുക.
Read also: കീവിലെ എല്ലാ പ്രദേശങ്ങളിലെയും അധികാരം യുക്രൈൻ വീണ്ടെടുത്തു