എറണാകുളം: കൊച്ചി വൈറ്റിലയിൽ ഓടിക്കൊണ്ടിരുന്ന കാറിന് തീപിടിച്ചു. ഇന്ന് വൈകുന്നേരം നാലരയോടെയാണ് സംഭവം ഉണ്ടായത്. ഓടിക്കൊണ്ടിരുന്ന മാരുതി 800 കാറാണ് തീപിടിച്ചത്. തീപിടുത്തത്തെ തുടർന്ന് കാർ പൂർണമായും കത്തി നശിച്ചു.
അപകടത്തിൽ ആളപായമില്ല. കാറിന് തീ പിടിച്ചത് ശ്രദ്ധയിൽ പെട്ടതോടെ ആളുകൾ പുറത്തേക്കിറങ്ങി രക്ഷപെടുകയായിരുന്നു. അതേസമയം അപകടം ഉണ്ടായതിന് പിന്നാലെ രക്ഷാപ്രവർത്തനത്തിന് ഫയർഫോഴ്സ് എത്താൻ വൈകിയെന്ന നാട്ടുകാർ വ്യക്തമാക്കുന്നുണ്ട്. അരമണിക്കൂറോളം വൈകിയാണ് ഫയർഫോഴ്സ് സ്ഥലത്തെത്തിയത്. എന്നാൽ കാറിന് തീ പിടിക്കാനുള്ള കാരണം എന്താണെന്ന് ഇതുവരെ വ്യക്തമല്ല.
Read also: ജനവിശ്വാസം നഷ്ടപ്പെട്ടു; കോൺഗ്രസിനെതിരെ രൂക്ഷ വിമർശനവുമായി മുഖ്യമന്ത്രി