തിരുവനന്തപുരം: സംസ്ഥാനത്ത് സ്‌കൂൾ തുറക്കുന്നതിനുള്ള തയ്യാറെടുപ്പുകൾ പൂർത്തിയായതായി വിദ്യാഭ്യാസ മന്ത്രി വി ശിവന്‍കുട്ടി. കുട്ടികളുടെ ആരോഗ്യത്തിന് പ്രാധാന്യം നൽകുമെന്നും രക്ഷിതാക്കൾക്കും വിദ്യാർഥികൾക്കും ആശങ്ക വേണ്ടെന്നും അദ്ദേഹം പറഞ്ഞു.
ചില അധ്യാപകർ വാക്‌സിൻ എടുത്തിട്ടില്ല. വാക്‌സിൻ എടുക്കാത്ത അധ്യാപകർ സ്‌കൂളുകളിലേക്ക് വരേണ്ടതില്ലെന്നും മന്ത്രി വ്യക്‌തമാക്കി. എല്ലാ സ്‌കൂളുകളിലും പ്രവേശനോൽസവം ഉണ്ടാകും. ആദ്യ രണ്ടാഴ്‌ച ലളിതമായ ക്‌ളാസുകളായിരിക്കും ഉണ്ടാവുകയെന്നും മന്ത്രി കൂട്ടിച്ചേർത്തു.
കോവിഡ് വ്യാപനത്തെ തുടർന്ന് അടച്ചിട്ട സ്‌കൂളുകൾ നവംബർ ഒന്ന് തിങ്കളാഴ്‌ച മുതലാണ് തുറന്നു പ്രവർത്തിക്കുന്നത്. സ്‌കൂളുകളിലെ ശുചീകരണം, ഉച്ചഭക്ഷണ വിതരണത്തിനുള്ള ഒരുക്കങ്ങൾ എന്നിവ പൂർത്തിയായി. അധ്യാപകർക്കുള്ള പരിശീലനം പുരോഗമിക്കുകയാണ്. പ്രവേശനോൽസവ ഒരുക്കങ്ങളും സ്‌കൂൾ തലത്തിൽ തുടങ്ങിയിട്ടുണ്ട്.
Most Read: കക്കി- ആനത്തോട് ഡാം തുറന്നു; പമ്പാ തീരത്ത് ജാഗ്രതാ നിര്‍ദ്ദേശം
