ജയ്‌പൂർ: രാജ്യത്തെ രണ്ടാമത്തെ ഒമൈക്രോൺ മരണം റിപ്പോർട് ചെയ്‌തു. രാജസ്‌ഥാനിലെ ഉദയ്‌പൂരിലാണ് രാജ്യത്തെ രണ്ടാമത്തെ ഒമൈക്രോൺ മരണം സ്‌ഥിരീകരിച്ചത്‌. ഒമൈക്രോൺ ബാധിതനായി ഉദയ്‌പൂരിലുള്ള ആശുപത്രിയിൽ ചികിൽസയിൽ കഴിഞ്ഞിരുന്ന 73കാരനാണ് ഇപ്പോൾ മരിച്ചത്.
കഴിഞ്ഞ 21ആം തീയതി കോവിഡ് പരിശോധന ഫലം നെഗറ്റീവ് ആയിരുന്നെങ്കിലും, 25ആം തീയതി വീണ്ടും നടത്തിയ പരിശോധനയിൽ കോവിഡ് കണ്ടെത്തുകയും, പിന്നീട് ഒമൈക്രോൺ ആണെന്ന് സ്‌ഥിരീകരിക്കുകയും ചെയ്യുകയായിരുന്നു.
കോവിഡ് ബാധിതനായിരുന്ന ഇദ്ദേഹത്തിന് രക്‌താതിസമ്മർദ്ദവും, പ്രമേഹവും ഗുരുതരമായി ഉണ്ടായിരുന്നെന്ന് ആശുപത്രി അധികൃതർ വ്യക്‌തമാക്കി. നിലവിൽ രാജ്യത്തെ ആകെ ഒമൈക്രോൺ കേസുകളുടെ എണ്ണം 1,311 ആയി ഉയർന്നു. മഹാരാഷ്‌ട്രയിലാണ് ഏറ്റവും കൂടുതൽ രോഗബാധിതരുള്ളത്.
Read also: കുട്ടികളിലെ കോവിഡ് വാക്‌സിനേഷൻ; രജിസ്‌ട്രേഷൻ ഇന്ന് മുതൽ
