ഫാമിലി കോമഡി എന്റർടെയ്‌നറുമായി ജനപ്രിയ സംവിധായകൻ ഷാഫി. സിനിമയുടെ ചിത്രീകരണം ആരംഭിച്ചു. പാലക്കാട് കൊല്ലങ്കോട് ആനമുറി സുബ്രഹ്‌മണ്യ സ്വാമി ക്ഷേത്രത്തിൽ വെച്ചാണ് പൂജ ചടങ്ങുകൾ നടന്നത്. നെൻമാറ എംഎൽഎ കെ ബാബു സ്വിച്ച് ഓൺ കർമം നിർവഹിച്ചു.
‘ചിൽഡ്രൻസ് പാർക്ക്’ എന്ന ചിത്രത്തിന് ശേഷം ഷാഫി ഒരുക്കുന്ന ചിത്രമാണിത്. കൊല്ലങ്കോട്, കൊടുവായൂർ എന്നിവിടങ്ങളാണ് പ്രധാന ലൊക്കേഷനുകൾ.
ഇന്ദ്രൻസ്, ഷറഫുദീൻ, അജു വർഗീസ്, ബൈജു സന്തോഷ്, സാദിഖ്, അനഘ നാരായണൻ, വനിതാ കൃഷ്‌ണചന്ദ്രൻ എന്നിവർ പ്രധാന വേഷങ്ങളിൽ എത്തുന്ന ചിത്രത്തിന് ഇതുവരെ പേരിട്ടിട്ടില്ല. ‘പഞ്ചവർണത്തത്ത’, ‘ആനക്കള്ളൻ’ എന്നീ സിനിമകൾക്ക് ശേഷം സപ്‌തതരംഗ ക്രിയേഷൻസ് പ്രൈവറ്റ് ലിമിറ്റഡാണ് ചിത്രം നിർമിക്കുന്നത്.
ഒരു ഫാമിലി കോമഡി എന്റർടെയ്‌നറാണ് ചിത്രത്തിന്റെ തിരക്കഥ രചിച്ചിരിക്കുന്നത് എം സിന്ധുരാജ് ആണ്. മനോജ് പിള്ളയാണ് ഛായാഗ്രാഹകൻ. മനു മൻജിത്തിന്റെ വരികൾക്ക് ഷാൻ റഹ്‌മാൻ സംഗീതം പകരുന്നു.
Most Read: ക്യാംപ് നൗവില്‍ ഞെട്ടിക്കുന്ന തോല്‍വി ഏറ്റുവാങ്ങി ബാഴ്‌സ
