തിരുവനന്തപുരം: ലവ് ജിഹാദ് വിഷയം മുൻനിർത്തി കേരളത്തിൽ പ്രചാരണം നടത്തുന്ന യുപി മുഖ്യമന്ത്രിക്കെതിരെ കോൺഗ്രസ് നേതാവും എംപിയുമായ ഡോ. ശശി തരൂർ. കേരളത്തിൽ ലവ് ജിഹാദ് ഇല്ലെന്നും വിഷയത്തിൽ എത്ര കേസുകൾ ബിജെപിക്ക് കണ്ടെത്താൻ കഴിഞ്ഞെന്നും ശശി തരൂർ ചോദിച്ചു. യുപിയില്‍ ലവ് ജിഹാദ് നിയമ വിരുദ്ധമാണെന്നും കേരളത്തില്‍ നിയമം നടപ്പാക്കാത്തത് എന്തു കൊണ്ടാണ് എന്നുമായിരുന്നു പ്രചാരണ യോഗത്തിൽ യോഗി ആദിത്യനാഥ് ചോദിച്ചത്.
യോഗിയുടേത് വർഗീയ വിഷം ചീറ്റുന്ന പ്രചാരണമാണെന്നും ഈ വിഷയത്തിൽ മലയാളികൾ വീണു പോകരുതെന്നും തരൂർ അഭ്യർഥിച്ചു. വർഗീയമായി നാടിനെ വിഭജിക്കുന്ന പ്രചരണ തന്ത്രമാണിതെന്നും കോൺഗ്രസ് അതിനെ ഏറ്റുപിടിക്കാൻ ഉദ്ദേശിക്കുന്നില്ല എന്നും തരൂർ വ്യക്‌തമാക്കി. ഇത്തരം വർഗീയ വിഷ പ്രചാരണത്തെ തള്ളിക്കളയണമെന്നും തരൂർ ആവശ്യപ്പെട്ടു.
Read also: പശ്‌ചിമ ബംഗാളിലെ ജനങ്ങള്‍ സമര്‍ഥരാണ്; മമതയെ പിന്തുണച്ച് സഞ്‌ജയ് റാവത്ത്
