കൊൽക്കത്ത: ബിജെപി നേതാവ് സുവേന്ദു അധികാരിയുടെ പിതാവും മുതിര്ന്ന തൃണമൂല് കോണ്ഗ്രസ് നേതാവുമായ ശിശിര് അധികാരി ബിജെപിയിൽ ചേർന്നു. മിഡ്നാപുരില് കേന്ദ്രമന്ത്രി അമിത്ഷായുടെ സാന്നിധ്യത്തിലാണ് ശിശിര് അധികാരി ബിജെപിയിൽ അംഗത്വം സ്വീകരിച്ചത്. കാന്തി ലോക്സഭ മണ്ഡലത്തിലെ എംപിയാണ് ശിശിർ അധികാരി.
തൃണമൂൽ നേതാക്കളുടെ അവഗണന അംഗീകരിക്കാൻ സാധിക്കാത്തതിനെ തുടർന്നാണ് താൻ ബിജെപിയിൽ ചേരുന്നതെന്ന് ശിശിർ അധികാരി പറഞ്ഞു. തൃണമൂല് കോണ്ഗ്രസിലെ കരുത്തുറ്റ നേതാവായിരുന്ന സുവേന്ദു അധികാരി ബിജെപിയില് ചേര്ന്നതിന് പിന്നാലെ ശിശിര് അധികാരിയും ബിജെപിയില് ചേരുമെന്ന് അഭ്യൂഹമുണ്ടായിരുന്നു.
അതേസമയം, ശിശിർ അധികാരി ഒടുവിൽ മകന്റെ പാത പിൻതുടരുമെന്ന് അറിയാമെന്നും അതിൽ ഒട്ടുംതന്നെ അതിശയിക്കാൻ ഇല്ലെന്നും തൃണമൂൽ എംപിയും മുതിർന്ന നേതാവുമായ സൗഗാത റോയ് നേരത്തെ വ്യക്തമാക്കിയിരുന്നു.
Read also: ‘അസം പ്രളയ ബാധിതരുടെ കാര്യത്തിൽ മിണ്ടാട്ടമില്ല’; മോദിയെ വിമർശിച്ച് പ്രിയങ്ക