തിരുവനന്തപുരം: സിൽവർ ലൈനെതിരായ സമരം നിയമത്തോടുള്ള വെല്ലുവിളിയാണെന്ന് മന്ത്രി വിഎൻ വാസവൻ. സമരങ്ങളെ രാഷ്‌ട്രീയമായി നേരിടുമെന്നും പദ്ധതി നടപ്പാക്കുമെന്നും മന്ത്രി വ്യക്‌തമാക്കി. ജനങ്ങൾ സർക്കാരിന് ഒപ്പമാണെന്നും അദ്ദേഹം പറഞ്ഞു.
സിൽവർലൈൻ പദ്ധതിയിൽ നിന്ന് പിന്നോട്ടില്ലെന്ന് മുഖ്യമന്ത്രിയും ഇന്ന് ആവർത്തിച്ചു. ഭൂമി നഷ്‌ടപ്പെടുന്നവർക്ക് കമ്പോളവിലയുടെ ഇരട്ടിയിലധികം നഷ്‌ടപരിഹാരം നൽകും. ആവശ്യമെങ്കിൽ അതിനും മേലെ നൽകാനും തയ്യാറാണെന്ന് മുഖ്യമന്ത്രി പറഞ്ഞു. മാദ്ധ്യമങ്ങൾക്ക് എതിരെയും മുഖ്യമന്ത്രി രൂക്ഷ വിമർശനം നടത്തി.
ജനകീയ പ്രശ്‌നങ്ങൾ ഏറ്റെടുക്കുന്നതിൽ കേരളത്തിലെ മാദ്ധ്യമങ്ങൾക്ക് താൽപര്യമില്ലെന്നും വികസനം സ്‌തംഭിപ്പിക്കുന്നവരുടെ മെഗാഫോണായി മാദ്ധ്യമങ്ങൾ മാറരുതെന്നുമാണ് മുഖ്യമന്ത്രി പറഞ്ഞത്. കുഞ്ഞുങ്ങളുമായി സമരത്തിന് എത്തുന്നവരെ മഹത്വവത്കരിക്കുന്നത് നല്ല പ്രവണതയല്ല. ആക്ഷേപിക്കലും പുച്ഛിക്കലുമല്ല യഥാർഥ മാദ്ധ്യമ പ്രവർത്തനമെന്നും മുഖ്യമന്ത്രി കൂട്ടിച്ചേർത്തു.
Most Read: ‘മന്‍സിയയുടെ നൃത്തം ഹിന്ദുക്കളോടുള്ള വെല്ലുവിളി, എല്ലാ അഹിന്ദുക്കളേയും വിലക്കണം’; കോടതിയില്‍ ഹരജി
