മുംബൈ: ആറ് ദിവസത്തെ നേട്ടത്തിന് ശേഷം ഓഹരി സൂചികകൾ നേരിയ നഷ്ടത്തിൽ ക്ളോസ് ചെയ്തു. നേട്ടത്തോടെയാണ് വ്യാപാരം തുടങ്ങിയതെങ്കിലും അവസാന മണിക്കൂറിലെ വിൽപ്പന സമ്മർദ്ദമാണ് സൂചികകളുടെ കരുത്തു ചോർത്തിയത്.
സെൻസെക്സ് 16.69 പോയന്റ് നഷ്ടത്തിൽ 51,329.08ലും നിഫ്റ്റി 6.50 പോയന്റ് താഴ്ന്ന് 15,109.30ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1279 കമ്പനികളുടെ ഓഹരികൾ നേട്ടത്തിലും 1634 ഓഹരികൾ നഷ്ടത്തിലുമായിരുന്നു. 184 ഓഹരികൾക്ക് മാറ്റമില്ല.
ഊർജം, അടിസ്ഥാന സൗകര്യ വികസനം എന്നീ ഫാക്ടറുകൾ ഒഴികെയുള്ള സൂചികകൾ നഷ്ടത്തിലാണ് വ്യാപാരം അവസാനിപ്പിച്ചത്. ബിഎസ്ഇ മിഡ്ക്യാപ്, സ്മോൾ ക്യാപ് സൂചികകളും നേരിയ നഷ്ടം നേരിട്ടു. ഏഴാമത്തെ ദിവസവും ആഗോള ഓഹരി സൂചികകൾ നേട്ടമുണ്ടാക്കി. ടെസ്ല വൻതുക നിക്ഷേപിച്ചതോടെ ബിറ്റ് കോയിന്റെ മൂല്യം 20 ശതമാനത്തോളം വർധിച്ച് റെക്കോഡ് ഉയരത്തിലെത്തി.
Read Also: 5ജി എത്താൻ വൈകും; തയാറെടുപ്പുകളില് ഇന്ത്യ പിന്നിലെന്ന് റിപ്പോർട്