കോഴിക്കോട്: ജില്ലയിലെ നാദാപുരം കല്ലാച്ചിയിൽ തെരുവ് നായയുടെ കടിയേറ്റ് മൂന്നര വയസുകാരന് ഗുരുതര പരിക്ക്. കല്ലാച്ചിയിലെ ഒരു ക്വാട്ടേഴ്സിൽ താമസിക്കുന്ന അതിഥി തൊഴിലാളിയുടെ മകനായ മൂന്നര വയസുകാരനാണ് തെരുവ് നായയുടെ ആക്രമണത്തിൽ മുഖത്ത് ഗുരുതരമായി പരിക്കേറ്റത്. ഇന്ന് വൈകിട്ടോടെ ആയിരുന്നു സംഭവം.
ക്വാർട്ടേഴ്സിന് മുന്നിൽ കളിച്ചു കൊണ്ടിരിക്കുമ്പോഴാണ് കുട്ടിയെ നായ ആക്രമിച്ചത്. കുഞ്ഞിന്റെ മുഖത്തും കൈക്കുമാണ് പരിക്കേറ്റത്. കുട്ടിയെ ആദ്യം വടകര ജില്ലാ ആശുപത്രിയിൽ പ്രവേശിപ്പിച്ചെങ്കിലും വിദഗ്ധ ചികിൽസയ്ക്കായി കോഴിക്കോട് മെഡിക്കൽ കോളേജിലേക്ക് മാറ്റിയിരിക്കുകയാണ്. ഇതേ നായയുടെ ആക്രമണത്തിൽ മറ്റൊരാൾക്കും പരിക്കേറ്റതായാണ് വിവരം. അതേസമയം, നായയെ പിടികൂടാൻ കഴിഞ്ഞിട്ടില്ല.
Most Read| ഗോഡ്സെയെ പ്രകീർത്തിച്ച് കമന്റ്; അധ്യാപികയോട് 13ന് സ്റ്റേഷനിൽ ഹാജരാകാൻ പോലീസ്